فوتو: اشىق دەرەككٶز
باتىس قازاقستان وبلىسىندا قر ەكولوگييا جەنە تابيعي رەسۋرستار مينيسترٸ ەرلان نىسانباەۆ ٶڭٸردٸڭ فەرمەرلٸك شارۋاشىلىقتارىمەن كەزدەسٸپ, كيٸكتەردٸڭ اۋىل شارۋاشىلىعىنا تيگٸزگەن زالالدارى تۋرالى ٶتٸنٸشتەردٸ تىڭدادى, دەپ حابارلايدى Ult.kz.
فەرمەرلەردٸڭ ايتۋىنشا, كيٸكتەردٸڭ سانى كٷرت ارتىپ, ەگٸستٸكتەر مەن جايىلىمداردى تاپتاپ, اگرارلىق قىزمەتكە ەلەۋلٸ زييان كەلتٸرٸپ وتىر. جەكەلەگەن اۋداندارداعى شىعىن جٷزدەگەن ميلليون تەڭگەگە جەتٸپ, بۇل ايماقتىڭ ازىق-تٷلٸك قاۋٸپسٸزدٸگٸنە قاۋٸپ تٶندٸرۋدە.
كەزدەسۋدە «جەبە» شارۋا قوجالىعىنىڭ باسشىسى قايرات زۋلكاشەۆ مەسەلەنٸڭ كٷردەلٸ ەكەنٸن اتاپ ٶتٸپ, شارۋاشىلىقتاردىڭ ٶمٸر سٷرۋٸنە قاۋٸپ تٶنٸپ تۇرعانىن جەتكٸزدٸ. «ECO Club» جشس ديرەكتورى بەكجان سابانوۆ ناقتى شارالار قابىلداۋدىڭ ماڭىزدىلىعىن ايتا كەلە, ەلەمدە جابايى جانۋارلار پوپۋلياتسيياسىن رەتتەۋ تەجٸريبەسٸن مىسالعا كەلتٸردٸ.
بيولوگييا عىلىمدارىنىڭ دوكتورى ەلجان شەمشٸدٸننٸڭ ايتۋىنشا, جانۋارلاردىڭ تىعىز پوپۋلياتسيياسى ەكوجٷيەگە كەرٸ ەسەرٸن تيگٸزٸپ, جانۋارلار مەن ادامدارعا دا زييان كەلتٸرۋٸ مٷمكٸن. ونىڭ پٸكٸرٸنشە, عىلىمي نەگٸزدەلگەن باسقارۋ ەدٸستەرٸن قولدانۋ ارقىلى كيٸك پوپۋلياتسيياسىن رەتتەۋ قاجەت.
2025 جىلعى دەرەكتەر بويىنشا, قازاقستاندا كيٸك سانى 3,9 ميلليون باسقا جەتتٸ, بۇل 1974 جىلعى كٶرسەتكٸشتەن ٷش ەسە كٶپ. تەك باتىس قازاقستان وبلىسىندا كيٸكتەر سانى 2,3 ميلليوننان استى.
مينيستر ەرلان نىسانباەۆ فەرمەرلەردٸڭ ۇسىنىستارى مەن حالىقارالىق تەجٸريبەگە سٷيەنە وتىرىپ, كيٸك سانىن رەتتەۋ تۋرالى شەشٸم قابىلدادى. بۇل شەشٸم عىلىمي نەگٸزدەرگە, قر عىلىم جەنە جوعارى بٸلٸم مينيسترلٸگٸنٸڭ زوولوگييا ينستيتۋتىنىڭ زەرتتەۋلەرٸنە جەنە باسقا ەلدەردٸڭ تەجٸريبەسٸنە نەگٸزدەلدٸ.
كيٸك پوپۋلياتسيياسىن رەتتەۋ «وحوتزووپروم» كەسٸپورنىنىڭ كٷشٸمەن جٷزەگە اسىرىلادى. بارلىق شارالار حالىقارالىق تابيعات قورعاۋ كەلٸسٸمدەرٸنە جەنە ەكولوگييالىق زاڭناماعا سەيكەس جٷرگٸزٸلمەك. سونىمەن قاتار, زارداپ شەككەن ٶڭٸرلەردە ەپيزووتييالىق مونيتورينگ پەن قوسىمشا ۆەتەرينارييالىق تالاپتاردى ساقتاۋ قامتاماسىز ەتٸلەدٸ.
ايتا كەتەيٸك, مەملەكەت باسشىسى قىتاي ٷكٸمەتٸنە 1500 كيٸك بەرۋ تۋرالى شەشٸم قابىلداعانىن جازعانبىز.
