Foto: facebook.com/UA.KyivPolice
Jýrnalist, bloger Almas Altai qazaqstandyq jýrnalist Aidos Sadyqovqa Kievte jasalǵan qastandyqqa Ýkraina qupiia organdarynyń qatysy bolýy múmkin ekenine kúmándanatynyn aityp, feisbýkke pikir bildirdi.
"Soǵys bop jatqan Ýkrainada, maidan dalasynan alys astanasy Kiivte qazaqstandyq jýrnalist Aidos Sadyqovqa qastandyq jasaldy. Óz máshinesinde áielimen áńgimelesip otyrǵan Aidosqa belgisiz bir er adam pistoletten birneshe ret oq atqan da qashyp ketken. Oqtyń biri Aidostyń basyna tiip, jýrnalist qazir aýrýhanada ómir úshin kúresip jatyr. Jaqsylyǵy jaqyn bolsyn!
Men bul oqiǵadan bir sulba kóremin - iske Ýkraina qupiia organdarynyń qatysy bolmasa mynadai dárejedegi qastandyq oi iske asa ma... Qaidam-aý...
El soǵys jaǵdaiynda. Ásheiinde kóshedegi beiseýbet júrgen adamdy toqtatyp, qujatyn tekserip, "soǵystan qashyp júrgen joqsyń ba" dep bir tiisip alatyn ýkrain saqshylary tumsyǵynyń astynda tapanshamen júrgenderdi qalai "kórmei qalǵany" túsiniksizdeý..." -deidi bloger.
Ol AQSh-pen de, Qytaimen de, BUU-ń bolashaq Bas Hatshysymen de jaqsy qarym qatynastaǵy Qazaqstan prezidenti Qasym-Jomart Toqaevtyń isi unamaýy múmkin dep topshylady.
"Rasynda, qazir "Qazaqstanda kimniń qyzyǵýshylyǵy joq" degen suraqqa jaýap bergen ońaiyraq. Arab ta, qytai da, ámirken de, aǵylshyn da, frantsýz da, nemis te, qysqasy kim myqtynyń bári Qazaqstanǵa bir zaýyt, kenoryn nemese investitsiia salyp qoiǵan.
Prezidentimiz de álemdi sharlap tynym tappaidy. Taqa bolmasa elge qonaq shaqyrady, damyǵan elderdiń biznes ókilderin, aqshaly adamdaryn ákelip qazaqtyń isker jigitterimen tanystyrady, birge jumys istep ketýine irgetas qalap beredi", -deidi ol.
Almas Altaidyń paiymdaýynsha Qazaqstan kórshi elde soǵys bolyp jatqanyna qaramastan ilgeri damyp, jatqany basqalarǵa unamaidy.
Ol Prezident Toqaevtyń bul oqiǵa týraly pikirin mysalǵa keltirip, memleket basshysynyń jaǵdaiǵa birden pikir bildirgenin oryndy dep esepteidi.
Taǵy oqyńyz:
"Qazaqstannyń álemdik arenadaǵy atyna qara kúie jaǵýǵa tyrysqandarǵa jaqsy jaýap boldy.
"Qazaqstan biligi ózine qarsy shyqqan jýrnalisterdiń ózin atyp tastaidy eken" degen aqparat taratyp, álemniń sóz bostandyǵyn súigish adamdarynyń Qazaqstanǵa degen sezim, senimderine selkeý túsirmek bolǵandardyń talaby tasqa soǵylǵan syńaily!
Aqordanyń ashyq áńgime aitqany, buqpai, búkpei málimdeme jasaǵany jón-aq boldy!" -deidi bloger Almas Altai.
