Kievtiń Podolsk aýdanynda «Kúmis ǵasyr» qarttar úii órtendi, dep habarlaidy ÝkrInform agenttigi.
Ýkraina Tótenshe jaǵdailar jónindegi memlekettik qyzmetiniń málimetine qaraǵanda, Podolsk aýdanyndaǵy Lesozashitnaia kóshesi, 11 b mekenjaiynda ornalasqan úsh qabatty «Kúmis ǵasyr» qarttar úiiniń shatyry órtengen. Oqys oqiǵa 12 naýryz kúni saǵat 05:51-de oryn alǵan. Saǵat 06:55-te 100 m2 alańdy sharpyǵan órt aýyzdyqtalǵan.
Ǵimaratta 65 qart adam bolǵan. Qaza bolǵandar men zardap shekkender joq. Ýkrainanyń Tótenshe jaǵdailar jónindegi memlekettik qyzmetiniń jáne qyzmet kórsetýshi personaldyń kómegimen joǵarǵy qabattardan birinshi qabatqa 80 adam (onyń ishinde 65 qart adam jáne 15 personal) evakýatsiialandy.
Órtti sóndirýge 35 adam men 8 tehnika jumyldyryldy.
