Foto: RIA Novosti
Resei aýmaǵynda diversiia áreketteri jalǵasa berse, Resei Ýkrainanyń sheshim shyǵarý ortalyqtaryna soqqy jasaidy. Bul týraly Resei Qorǵanys ministrliginiń baspasóz hatshysy general-maior Igor Konashenkov aitty, - dep habarlaidy Tengrinews.kz tilshisi RIA Novosti saityna silteme jasap.
"Biz ýkrain áskeri Resei Federatsiiasynyń aýmaǵyndaǵy obektilerge diversiia jasaý áreketteri men soqqylaryn kórip otyrmyz. Eger mundai jaǵdailar jalǵasa berse, RF Qarýly kúshteri sheshim shyǵarý ortalyqtaryna, sonyń ishinde Kievke de soqqy jasaidy. Resei áskeri buǵan deiin mundai áreketke barmaǵan", - dedi Konashenkov.
Buǵan deiin Resei prezidenti Vladimir Pýtin belarýstik áriptesi Aleksandr Lýkashenkomen birge "Vostochnyi" ǵarysh ailaǵyna saparynda Ýkrainadaǵy arnaiy áskeri operatsiia josparǵa sai júrip jatqanyn jáne onyń "túsinikti ári asyl" maqsattary oryndalatynyn, al Resei ekonomikasy Batys sanktsiialaryna tótep berip jatqanyn aitqan edi.
