Kazakh Tourism kompaniiasynyń basqarma tóraǵasy Erjan Erkinbaev Kids go free baǵdarlamasynyń biylǵy talaptaryn túsindirdi, dep habarlaidy "Ult aqparat".
«Kazakh Tourism kompaniiasy Kids go free baǵdarlamasynyń ákimshisi jáne operatory bolady. Bul – balalardyń ushý shyǵynyn sýbsidiialaý tetigi. Bul baǵdarlama top-10 destinatsiiada otbasylyq demalysty uiymdastyrý kólemin arttyrýǵa baǵyttalǵan. Baǵdarlama týristik operatorlar arqyly iske asady. Iaǵni, 2-14 jas aralyǵyndaǵy balasy bar otbasy qazaqstandyq kýrorttarǵa týristik operatorlar arqyly bilet satyp alǵan bolsa, balalardyń bilet quny keshiriledi», - dedi kompaniia basshysy ortalyq kommýnikatsiialar qyzmetinde ótken brifingide.
Kazakh Tourism basshysy mundai sýbsidiia 2-3 joldamaǵa tólenbeitinin eskertti. Sondai-aq, bilet quny tek týristik operatorlar arqyly demalysqa barǵan otbasylarǵa usynylmaq.
«Mundaǵy jalǵyz talap - ushyp kelgen jerde otbasy 4 tún, 5 kúnnen kem bolmaýy kerek. Osy arqyly biz Qazaqstandaǵy otbasylyq demalysty qoldaimyz. Bizdiń esebimiz boiynsha osynyń arqasynda otbasynyń joldama alýǵa ketetin biýdjeti 20-30 paiyz únemdeledi», - dedi Erjan Erkinbaev.
