Kazakh Tourism كومپانيياسىنىڭ باسقارما تٶراعاسى ەرجان ەركٸنباەۆ Kids go free باعدارلاماسىنىڭ بيىلعى تالاپتارىن تٷسٸندٸردٸ, دەپ حابارلايدى "ۇلت اقپارات".
«Kazakh Tourism كومپانيياسى Kids go free باعدارلاماسىنىڭ ەكٸمشٸسٸ جەنە وپەراتورى بولادى. بۇل – بالالاردىڭ ۇشۋ شىعىنىن سۋبسيدييالاۋ تەتٸگٸ. بۇل باعدارلاما توپ-10 دەستيناتسييادا وتباسىلىق دەمالىستى ۇيىمداستىرۋ كٶلەمٸن ارتتىرۋعا باعىتتالعان. باعدارلاما تۋريستٸك وپەراتورلار ارقىلى ٸسكە اسادى. ياعني, 2-14 جاس ارالىعىنداعى بالاسى بار وتباسى قازاقستاندىق كۋرورتتارعا تۋريستٸك وپەراتورلار ارقىلى بيلەت ساتىپ العان بولسا, بالالاردىڭ بيلەت قۇنى كەشٸرٸلەدٸ», - دەدٸ كومپانييا باسشىسى ورتالىق كوممۋنيكاتسييالار قىزمەتٸندە ٶتكەن بريفينگٸدە.
Kazakh Tourism باسشىسى مۇنداي سۋبسيدييا 2-3 جولداماعا تٶلەنبەيتٸنٸن ەسكەرتتٸ. سونداي-اق, بيلەت قۇنى تەك تۋريستٸك وپەراتورلار ارقىلى دەمالىسقا بارعان وتباسىلارعا ۇسىنىلماق.
«مۇنداعى جالعىز تالاپ - ۇشىپ كەلگەن جەردە وتباسى 4 تٷن, 5 كٷننەن كەم بولماۋى كەرەك. وسى ارقىلى بٸز قازاقستانداعى وتباسىلىق دەمالىستى قولدايمىز. بٸزدٸڭ ەسەبٸمٸز بويىنشا وسىنىڭ ارقاسىندا وتباسىنىڭ جولداما الۋعا كەتەتٸن بيۋدجەتٸ 20-30 پايىز ٷنەمدەلەدٸ», - دەدٸ ەرجان ەركٸنباەۆ.
