QR Bilim jáne ǵylym ministrligi kiberbýlling pen sýitsidtiń aldyn alý jumystaryn bastady. Bul týraly QR Bilim jáne ǵylym ministri Ashat Aimaǵambetov aitty, dep habarlaidy "Ult aqparat".
«Bala quqyqtaryn qorǵaý qashanda Memleket basshysynyń basty nazarynda. Buǵan deiingi Joldaýda da úlken mańyzdy máseleler kóterip, sheshimin tapqan bolatyn. Qazir de Prezident erekshe kóńil bólip otyr. Sonyń ishinde Bala quqyqtary týraly konventsiianyń 3-shi fakýltativti hattamasyna qosylý óte mańyzdy jáne kiberbýlling pen sýitsidtiń aldyn alý boiynsha tiisti jumysty bastap jatyrmyz»,- dedi ministr Úkimet úiinde ótken baspasóz máslihatynda.
Onyń atap ótýinshe, balalardy qosymsha bilimmen qamtý da memleket úshin óte mańyzdy bolyp otyr. Bul jumystar memlekettik tapsyrys berýmen memlekettik-jekeshelik áriptestik arqyly júzege asyrylady.
«Oqýshylardy buqaralyq sportpen qamtý da óte mańyzdy. Sport zal salý, ligalar, ulttyq sport túrlerin damytý jumystaryn júrgizemiz», - dedi Ashat Aimaǵambetov.
