video kadry
"Hromtaý - Aqtóbe" avtobýsynyń jaǵdaiy qazaqstandyqtardyń jaǵasyn ustatty, - dep habarlaidy Tengritravel.kz saity.
Áleýmettik jelilerde "Hromtaý - Aqtóbe" baǵytynda qatynaityn avtobýstyń jaǵdaiy talqylanyp jatyr. Jeli qoldanýshylary jurt kúndelikti júretin qoǵamdyq kóliktiń jaǵdaiy múshkil ekenin aityp jatyr.
"Saldyrlaǵan" avtobýs túsirilgen videony qazaqstandyq pablik redaktsiiasyna kólik jolaýshysy joldaǵan.
Jariialanymǵa qatysty kóptegen pikir jazylǵan, qoldanýshylar avtobýstyń jaǵdaiy óte nashar deidi.
"Olar tehbaiqaýdan ótip, qalaaralyq tasymalǵa ruqsat alady ǵoi. Qaǵaz júzinde olardyń jaǵdaiy standartqa sai keledi", "Áldeneni túzetý úshin, áldeqandai bir jamandyq boýly kerek", "Mynadai joldan jańa avtobýstyń ózi bir aidan keiin jaramsyz bolyp qalady, júrý múmkin emes", - deidi jeli qoldanýshylary.
Jaǵdaiǵa qatysty Aqtóbe oblysynyń jolaýshylar kóligi jáne avtomobil joldary basqarmasynyń bólim basshysy Esbol Bazarǵaliev pikir bildirdi. Videoǵa túsirilgen avtobýs "Qala Trans"-qa tiesili eken.
"Hromtaý baǵytyndaǵy jaǵdai qiyn. "Kerýen" kompaniiasy 2013 jyldan bastap tasymaldaýmen ainalysady. Olardyń barlyq avtobýsy 1989-1990-jyldary shyǵarylǵan. 8 avtobýs bar. Eger kúndelikti 10-12 reis oryndaý qajet bolsa, onda olar kúnine 3-6 ret júredi.
Qiyn jaǵdai týyndaǵannan keiin tamyz aiynda biz osy baǵyt boiynsha "Qala Trans" mekemesinen taǵy 5 avtobýsty qostyq", - dedi ol.
Onyń aitýynsha, "Hromtaý - Aqtóbe" baǵyty boiynsha joldyń jaǵdaiyn da eskerý qajet.
Aita keteiik, buǵan deiin IIM qys mezgili jaqyndaýyna bailanysty qazaqstandyq júrgizýshilerge úndeý jasaǵan bolatyn. Júrgizýshilerge jolda júrý kezinde aýa raiy men jol jaǵdailarynyń qozǵalys rejimderine áserin eskerý mańyzdy ekenin eskertildi.
