Foto: © Sputnik/Ertai Sarbasov
Almatydaǵy hostelde shyqqan órt deregi boiynsha qylmystyq is tirkeldi, - dep habarlaidy "Ult aqparat" QR TJM baspasóz qyzmetine silteme jasap.
"Hosteldegi órttiń shyǵý sebepterin tekserý úshin ministr general-maior Syrym Sháriphanovtyń basshylyǵymen TJM-nyń jedel toby oqiǵa ornyna attandy.
Aldyn ala málimetter boiynsha, órt oshaǵy jertóle dálizinde bolǵan.
Órt ornynda Almaty qalasy TJD órt synaý zerthanasynyń anyqtaýshylary men mamandary jumys istep jatyr" - delingen habarlamada.
Vedomstvo málimetinshe, bul obekt bir jarym ai buryn hostel retinde qaita jabdyqtalǵan. Onyń aýdany 457 sharshy metrdi quraidy.
"Atalǵan órt faktisi boiynsha Almaty qalasynyń tótenshe jaǵdailar departamenti Qylmystyq kodekstiń 292-babyna sáikes (Órt qaýipsizdigi talaptaryn buzý) qylmystyq is tirkedi" - delingen habarlamada.
Eske sala keteiik, 30 qarashada tańerteń Almatyda Ádi Sháripov kóshesindegi hostelde órt shyǵyp, aldyn ala málimet boiynsha 13 adam qaza tapty.
