Foto: Almaty qalasy ákimdiginiń baspasóz qyzmeti
Almaty ákimdigi jerleý rásimin uiymdastyrýǵa jáne qaza tapqandardyń denesin tasymaldaýǵa járdem kórsetedi, dep habarlaidy "Ult aqparat" ákimdiktiń baspasóz qyzmetine silteme jasap.
"Almaty ákimdigi zardap shekkender men evakýatsiialanǵandardy qoldaýdyń barlyq sharalaryn kórsetip jatyr. Jedel túrde ýaqytsha baspana berildi, tamaqtaný uiymdastyryldy, qajetti meditsinalyq jáne psihologiialyq kómek tolyq kólemde kórsetiledi.
Qala ákimi Erbolat Dosaevtyń tapsyrmasy boiynsha ákimdik qaza tapqandardyń denelerin kórsetilgen jerlerge, onyń ishinde elimizdiń basqa óńirlerine tasymaldaýǵa járdemdesedi. Budan basqa, jerleý protsesin qosa alǵanda, Almaty qalasynyń aýmaǵynda jerleýdi uiymdastyrýǵa tolyq járdem kórsetiledi" - delingen habarlamada.
Jerleýdi uiymdastyrý máseleleri boiynsha qaza tapqandardyń týystary myna bailanys nómirlerine júgine alady: + 7 707 779 07 08, +7 777 312 08 08.
"Almaty ákimdigi órt saldarynan qaza tapqandardyń týystary men jaqyndaryna shyn júrekten kóńil aitady", - delingen habarlamada.
Eske sala keteiik, 30 qarashada tańerteń Almatyda Ádi Sháripov kóshesindegi hostelde órt shyǵyp, aldyn ala málimet boiynsha 13 adam qaza tapty.
