27 qańtar men 2 aqpan aralyǵynda «PARIMATCH – Hokkeiden «Qazaqstan kýbogy» eldiń úsh qalasynda ótedi. Týrnir Qaraǵandy, Kókshetaý jáne Pavlodar qalalarynda bolady, dep habarlaidy SPORTINFORM Qazaqstan hokkei federatsiiasynyń baspasóz qyzmeti.
Aldaǵy týrnir múldem basqasha bolmaq, sebebi biylǵy maýsymda qatysýshylar quramy ǵana emes, sondai-aq ony ótkizý formaty da ózgerdi.
• Qazaqstan Kýbogynyń alǵashqy oiyny 2001/02 maýsymnan bastaý aldy. Ol tarihtaǵy eń uzaq Kýbok bolyp, 2001 jyldyń 24 qazanynan bastap, 2002 jyldyń 31 naýryzyna deiin sozyldy.
• Qazaqstan Kýbogynyń alǵashqy úsh oiyny «Qaztsink-Torpedonyń» jeńisimen aiaqtaldy. Óskemendikter burynǵysha týrnirdiń rekordshylary bolyp otyr. Olardyń qorjynynda tórt jeńis bar (2002-2004, 2007).
• 2011 jyly Kýbok oiyndary tarihynda matchtar alǵash ret eki elordalyq arenada – «Qazaqstan» muz saraiy men «Barys» sportkesheninde ótti.
• 2013 jyly oiyndar alǵash ret eki qalada – Kókshetaý men Temirtaýda ótti. Keiinirek bul dástúrge ainaldy.
• 2019 jylǵy Qazaqstan kýbogy 2013 jyldan beri alǵash ret bir ǵana qala – Almatyda ótti. Matchtardy «Halyk Arena» qabyldady. Kýbok matchtary alǵash ret QAZSPORT telearnasynyń tikelei efirinde kórsetildi.
Qazaqstan Kýbogynyń sońǵy tórt maýsymynda eki ǵana komanda jeńip kelgenin aita ketý kerek. Petropavldyq «Qulager» men óskemendik «Altai Torpedo» eki retten jeńis tuǵyrynan kórindi.
