27 قاڭتار مەن 2 اقپان ارالىعىندا «PARIMATCH – حوككەيدەن «قازاقستان كۋبوگى» ەلدٸڭ ٷش قالاسىندا ٶتەدٸ. تۋرنير قاراعاندى, كٶكشەتاۋ جەنە پاۆلودار قالالارىندا بولادى, دەپ حابارلايدى SPORTINFORM قازاقستان حوككەي فەدەراتسيياسىنىڭ باسپاسٶز قىزمەتٸ.
الداعى تۋرنير مٷلدەم باسقاشا بولماق, سەبەبٸ بيىلعى ماۋسىمدا قاتىسۋشىلار قۇرامى عانا ەمەس, سونداي-اق ونى ٶتكٸزۋ فورماتى دا ٶزگەردٸ.
• قازاقستان كۋبوگىنىڭ العاشقى ويىنى 2001/02 ماۋسىمنان باستاۋ الدى. ول تاريحتاعى ەڭ ۇزاق كۋبوك بولىپ, 2001 جىلدىڭ 24 قازانىنان باستاپ, 2002 جىلدىڭ 31 ناۋرىزىنا دەيٸن سوزىلدى.
• قازاقستان كۋبوگىنىڭ العاشقى ٷش ويىنى «قازتسينك-تورپەدونىڭ» جەڭٸسٸمەن اياقتالدى. ٶسكەمەندٸكتەر بۇرىنعىشا تۋرنيردٸڭ رەكوردشىلارى بولىپ وتىر. ولاردىڭ قورجىنىندا تٶرت جەڭٸس بار (2002-2004, 2007).
• 2011 جىلى كۋبوك ويىندارى تاريحىندا ماتچتار العاش رەت ەكٸ ەلوردالىق ارەنادا – «قازاقستان» مۇز سارايى مەن «بارىس» سپورتكەشەنٸندە ٶتتٸ.
• 2013 جىلى ويىندار العاش رەت ەكٸ قالادا – كٶكشەتاۋ مەن تەمٸرتاۋدا ٶتتٸ. كەيٸنٸرەك بۇل دەستٷرگە اينالدى.
• 2019 جىلعى قازاقستان كۋبوگى 2013 جىلدان بەرٸ العاش رەت بٸر عانا قالا – الماتىدا ٶتتٸ. ماتچتاردى «Halyk Arena» قابىلدادى. كۋبوك ماتچتارى العاش رەت QAZSPORT تەلەارناسىنىڭ تٸكەلەي ەفيرٸندە كٶرسەتٸلدٸ.
قازاقستان كۋبوگىنىڭ سوڭعى تٶرت ماۋسىمىندا ەكٸ عانا كوماندا جەڭٸپ كەلگەنٸن ايتا كەتۋ كەرەك. پەتروپاۆلدىق «قۇلاگەر» مەن ٶسكەمەندٸك «التاي تورپەدو» ەكٸ رەتتەن جەڭٸس تۇعىرىنان كٶرٸندٸ.
