Qaraǵandynyń «Saryarqa» komandasy shaibaly hokkeiden 2021 jylǵy Qazaqstan kýbogynyń iegeri atandy, dep habarlaidy "Ult aqparat".
Qaraǵandylyq komanda finalda overtaimda Óskemenniń «Torpedo» komandasyn 2:1 esebimen jeńdi. Qos klýb alǵashqy eki kezeńde bir-bir shaibadan gol soqty. Úshinshi kezeńde de tablodaǵy esep ózgergen joq. Overtaimda qaraǵandylyq hokkeishiler jeńis shaibasyn soǵyp ketti.
Esterińizge sala ketelik, Qazaqstan kýbogy 27 jáne 2 aqpan aralyǵynda ótti. Komandalar aldymen úsh topqa bólinip, synǵa tústi. Árbir topta jeńimpaz atanǵan Kókshetaýdyń «Arlan» jáne «Torpedo», «Saryarqa» klýbtary jartylai finalǵa birden joldama aldy. Sondai-aq, olardyń qataryna ekinshi oryn alǵan komandalar arasynda úzdik kórsetkishke qol jetkizgen «Almaty» klýby qosyldy.
Jartylai finalda «Torpedo» «Almatyny» 3:2, «Saryarqa» «Arlandy» 3:1 esebimen súrindirdi.
Sońǵy jyldarda Qazaqstan kýbogyna Óskemenniń «Altai-Torpedo», Petropavldyń «Qulager» komandalary ie bolǵan.
