قاراعاندىنىڭ «سارىارقا» كومانداسى شايبالى حوككەيدەن 2021 جىلعى قازاقستان كۋبوگىنىڭ يەگەرٸ اتاندى, دەپ حابارلايدى "ۇلت اقپارات".
قاراعاندىلىق كوماندا فينالدا وۆەرتايمدا ٶسكەمەننٸڭ «تورپەدو» كومانداسىن 2:1 ەسەبٸمەن جەڭدٸ. قوس كلۋب العاشقى ەكٸ كەزەڭدە بٸر-بٸر شايبادان گول سوقتى. ٷشٸنشٸ كەزەڭدە دە تابلوداعى ەسەپ ٶزگەرگەن جوق. وۆەرتايمدا قاراعاندىلىق حوككەيشٸلەر جەڭٸس شايباسىن سوعىپ كەتتٸ.
ەستەرٸڭٸزگە سالا كەتەلٸك, قازاقستان كۋبوگى 27 جەنە 2 اقپان ارالىعىندا ٶتتٸ. كوماندالار الدىمەن ٷش توپقا بٶلٸنٸپ, سىنعا تٷستٸ. ەربٸر توپتا جەڭٸمپاز اتانعان كٶكشەتاۋدىڭ «ارلان» جەنە «تورپەدو», «سارىارقا» كلۋبتارى جارتىلاي فينالعا بٸردەن جولداما الدى. سونداي-اق, ولاردىڭ قاتارىنا ەكٸنشٸ ورىن العان كوماندالار اراسىندا ٷزدٸك كٶرسەتكٸشكە قول جەتكٸزگەن «الماتى» كلۋبى قوسىلدى.
جارتىلاي فينالدا «تورپەدو» «الماتىنى» 3:2, «سارىارقا» «ارلاندى» 3:1 ەسەبٸمەن سٷرٸندٸردٸ.
سوڭعى جىلداردا قازاقستان كۋبوگىنا ٶسكەمەننٸڭ «التاي-تورپەدو», پەتروپاۆلدىڭ «قۇلاگەر» كوماندالارى يە بولعان.
