«Sokol» hokkei klýby búgin qazaqstandyq «Nomadpen» oiyn alańyna shyǵady, dep habarlaidy "Ult aqparat" «Novosti Krasnoiarska» basylymyna silteme jasap.
Búgin krasnoiarlyq hokkeishiler JHL turaqty chempionaty aiasynda óz alańdaryndaǵy sońǵy matchtaryn ótkizýdi bastaidy.
Vladislav Hromyhtyń komandasy «Platiným Arena» muz aidynynda «Nomadpen» kezdesedi. Match 19:00-de bastalady. Klýbtyń baspasóz qyzmetiniń aitýynsha, atyshýly hokkeishi Damir Ryspaev bas qarsylas bolýy múmkin.
"Onyń muz betinde kóptegen shý shyǵarýy, sondai-aq «Barystyń» «Kýnlýnge» qarsy matchy kezinde uiymdastyrylǵan tóbelesi hokkeishiniń ómir boiy sporttan shettetilýimen aiaqtalǵan bolatyn (tóbeles videosy youtube-te 120 mln ret qaraldy). Sonymen birge, Ryspaevtyń KHL-degi diskvalifikatsiiasy halyqaralyq oiyndarǵa da qatysty, óitkeni ol 2017 jylǵy Ýniversiada men Álem kýbogynda Qazaqstan ulttyq quramasynda oinai almady».
Bir jyldan keiin sportshyǵa keshirim jasaldy. Endi ol JHL-da «Barystyń» farm-klýby bolyp tabylatyn «Nomad» úshin óner kórsetedi.
Eske salsaq, «Sokol» merziminen buryn plei-off joldamasyn jeńip aldy, alaida, aldaǵy oiyndar seriiasynda Krasnoiarsk oiynshylaryna tórtinshi orynǵa jetý úshin lajy bolsa kóp upai jinaýy qajet. Bul óz alańynda Petrov Kýbogynyń 1/8 finalyn bastaýǵa múmkindik beredi», — dep jazylǵan basylymda.
