«سوكول» حوككەي كلۋبى بٷگٸن قازاقستاندىق «نومادپەن» ويىن الاڭىنا شىعادى, دەپ حابارلايدى "ۇلت اقپارات" «نوۆوستي كراسنويارسكا» باسىلىمىنا سٸلتەمە جاساپ.
بٷگٸن كراسنويارلىق حوككەيشٸلەر جحل تۇراقتى چەمپيوناتى اياسىندا ٶز الاڭدارىنداعى سوڭعى ماتچتارىن ٶتكٸزۋدٸ باستايدى.
ۆلاديسلاۆ حرومىحتىڭ كومانداسى «پلاتينۋم ارەنا» مۇز ايدىنىندا «نومادپەن» كەزدەسەدٸ. ماتچ 19:00-دە باستالادى. كلۋبتىڭ باسپاسٶز قىزمەتٸنٸڭ ايتۋىنشا, اتىشۋلى حوككەيشٸ دامير رىسپاەۆ باس قارسىلاس بولۋى مٷمكٸن.
"ونىڭ مۇز بەتٸندە كٶپتەگەن شۋ شىعارۋى, سونداي-اق «بارىستىڭ» «كۋنلۋنگە» قارسى ماتچى كەزٸندە ۇيىمداستىرىلعان تٶبەلەسٸ حوككەيشٸنٸڭ ٶمٸر بويى سپورتتان شەتتەتٸلۋٸمەن اياقتالعان بولاتىن (تٶبەلەس ۆيدەوسى youtube-تە 120 ملن رەت قارالدى). سونىمەن بٸرگە, رىسپاەۆتىڭ كحل-دەگٸ ديسكۆاليفيكاتسيياسى حالىقارالىق ويىندارعا دا قاتىستى, ٶيتكەنٸ ول 2017 جىلعى ۋنيۆەرسيادا مەن ەلەم كۋبوگىندا قازاقستان ۇلتتىق قۇراماسىندا ويناي المادى».
بٸر جىلدان كەيٸن سپورتشىعا كەشٸرٸم جاسالدى. ەندٸ ول جحل-دا «بارىستىڭ» فارم-كلۋبى بولىپ تابىلاتىن «نوماد» ٷشٸن ٶنەر كٶرسەتەدٸ.
ەسكە سالساق, «سوكول» مەرزٸمٸنەن بۇرىن پلەي-وفف جولداماسىن جەڭٸپ الدى, الايدا, الداعى ويىندار سەريياسىندا كراسنويارسك ويىنشىلارىنا تٶرتٸنشٸ ورىنعا جەتۋ ٷشٸن لاجى بولسا كٶپ ۇپاي جيناۋى قاجەت. بۇل ٶز الاڭىندا پەتروۆ كۋبوگىنىڭ 1/8 فينالىن باستاۋعا مٷمكٸندٸك بەرەدٸ», — دەپ جازىلعان باسىلىمدا.
