Qurlyqtyq hokkei ligasy aiasynda elordalyq «Barys» búgin, 28 qańtarda elordada Reseidiń «Neftehimik» (Nijnekamsk) komandasymen kezdesti, dep habarlaidy "Ult aqparat".
Elordalyq hokkeishiler búgingi oiynda jinaqy qimyl kórsetti. Nátijesinde qarsylastarǵa erkin qimyldaýǵa múmkindik bergen joq. Esepti birinshi kezeńniń 19-minýtynda «Barys» hokkeishisi Dmitrii Shevchenko ashty.
Ekinshi kezeńde de qazaqstandyq komandanyń basymdyǵy aiqyn ańǵarylyp turdy. Oiynnyń 37-minýtynda Egor Petýhov esepti ústemelei tústi. Al 40-minýtta «Barys» sapynan Iakob Lilia mergendik tanytty.
Sheshýshi sońǵy kezeńde de reseilik hokkeishiler qazaqstandyq komandaǵa laiyqty kórsete alǵan joq. Kezekti shabýylynyń birinde 41-minýta Iakob Lilia taǵy bir márte qaqpany dál kózdedi. Al 58-minýtta reseilik hokkeishi Deniel Býdaev qorytyndy esepte belgiledi. Oiynda «Barys» qarsylasynan 4:1 esebimen basym tústi.
Atalǵan jeńisten keiin qazaqstandyq komanda týrnir kestesinde burynńy 12-oryndy saqtap qaldy.
Endi «Barys» elordada Reseidiń «Salavat Iýlaev» (Ýfa) komandasyn qabyldaidy.
