قۇرلىقتىق حوككەي ليگاسى اياسىندا ەلوردالىق «بارىس» بٷگٸن, 28 قاڭتاردا ەلوردادا رەسەيدٸڭ «نەفتەحيميك» (نيجنەكامسك) كومانداسىمەن كەزدەستٸ, دەپ حابارلايدى "ۇلت اقپارات".
ەلوردالىق حوككەيشٸلەر بٷگٸنگٸ ويىندا جيناقى قيمىل كٶرسەتتٸ. نەتيجەسٸندە قارسىلاستارعا ەركٸن قيمىلداۋعا مٷمكٸندٸك بەرگەن جوق. ەسەپتٸ بٸرٸنشٸ كەزەڭنٸڭ 19-مينۋتىندا «بارىس» حوككەيشٸسٸ دميتريي شەۆچەنكو اشتى.
ەكٸنشٸ كەزەڭدە دە قازاقستاندىق كوماندانىڭ باسىمدىعى ايقىن اڭعارىلىپ تۇردى. ويىننىڭ 37-مينۋتىندا ەگور پەتۋحوۆ ەسەپتٸ ٷستەمەلەي تٷستٸ. ال 40-مينۋتتا «بارىس» ساپىنان ياكوب ليليا مەرگەندٸك تانىتتى.
شەشۋشٸ سوڭعى كەزەڭدە دە رەسەيلٸك حوككەيشٸلەر قازاقستاندىق كومانداعا لايىقتى كٶرسەتە العان جوق. كەزەكتٸ شابۋىلىنىڭ بٸرٸندە 41-مينۋتا ياكوب ليليا تاعى بٸر مەرتە قاقپانى دەل كٶزدەدٸ. ال 58-مينۋتتا رەسەيلٸك حوككەيشٸ دەنيەل بۋداەۆ قورىتىندى ەسەپتە بەلگٸلەدٸ. ويىندا «بارىس» قارسىلاسىنان 4:1 ەسەبٸمەن باسىم تٷستٸ.
اتالعان جەڭٸستەن كەيٸن قازاقستاندىق كوماندا تۋرنير كەستەسٸندە بۇرىنڭى 12-ورىندى ساقتاپ قالدى.
ەندٸ «بارىس» ەلوردادا رەسەيدٸڭ «سالاۆات يۋلاەۆ» (ۋفا) كومانداسىن قابىلدايدى.
