Qurlyqtyq hokkei ligasy aiasynda elordalyq «Barys» búgin, 26 qańtarda elordada Reseidiń «Traktor» (Cheliabinsk) komandasymen kezdesti, dep habarlaidy "Ult aqparat".
Eki komanda týrnir kestesinde qatarlas keledi. Ekeýiniń de enshisinde 57 upaidan bar bolatyn. Sondyqtan búgin jeńiske jetkeni týrnir kestesindegi jaǵdaiyn jaqsartatyn edi.
Esepti alǵashqy bolyp «Traktor» komandasy ashty. Oiynnyń 11-minýtynda reseilik Aleksei Byvaltsev mergendigimen kózge tústi.
Ekinshi kezeńniń 32-minýtynda «Barys» sapynan Egor Petýhov tarazy basyn teńestirdi. Odan keiin «Traktor» hokkeishileri Sergei Kalinin 33, Vitalii Kravtsov 34-minýtynda qos goldyń avtory atandy.
Al úshinshi kezeńde elordalyq hokkeishiler alǵa qarai umtyldy. Nátijesinde 51-minýtta Valerii Orehov esep aiyrmasyn qysqartty.
Kezdesýde elordalyq klýb qarsylasyna 2:3 esebimen jeńilip qaldy.
Endi «Barys» elordada 28 qańtarda Reseidiń «Neftehimik» (Nijnekamsk) komandasyn qabyldaidy.
