قۇرلىقتىق حوككەي ليگاسى اياسىندا ەلوردالىق «بارىس» بٷگٸن, 26 قاڭتاردا ەلوردادا رەسەيدٸڭ «تراكتور» (چەليابينسك) كومانداسىمەن كەزدەستٸ, دەپ حابارلايدى "ۇلت اقپارات".
ەكٸ كوماندا تۋرنير كەستەسٸندە قاتارلاس كەلەدٸ. ەكەۋٸنٸڭ دە ەنشٸسٸندە 57 ۇپايدان بار بولاتىن. سوندىقتان بٷگٸن جەڭٸسكە جەتكەنٸ تۋرنير كەستەسٸندەگٸ جاعدايىن جاقسارتاتىن ەدٸ.
ەسەپتٸ العاشقى بولىپ «تراكتور» كومانداسى اشتى. ويىننىڭ 11-مينۋتىندا رەسەيلٸك الەكسەي بىۆالتسەۆ مەرگەندٸگٸمەن كٶزگە تٷستٸ.
ەكٸنشٸ كەزەڭنٸڭ 32-مينۋتىندا «بارىس» ساپىنان ەگور پەتۋحوۆ تارازى باسىن تەڭەستٸردٸ. ودان كەيٸن «تراكتور» حوككەيشٸلەرٸ سەرگەي كالينين 33, ۆيتاليي كراۆتسوۆ 34-مينۋتىندا قوس گولدىڭ اۆتورى اتاندى.
ال ٷشٸنشٸ كەزەڭدە ەلوردالىق حوككەيشٸلەر العا قاراي ۇمتىلدى. نەتيجەسٸندە 51-مينۋتتا ۆالەريي ورەحوۆ ەسەپ ايىرماسىن قىسقارتتى.
كەزدەسۋدە ەلوردالىق كلۋب قارسىلاسىنا 2:3 ەسەبٸمەن جەڭٸلٸپ قالدى.
ەندٸ «بارىس» ەلوردادا 28 قاڭتاردا رەسەيدٸڭ «نەفتەحيميك» (نيجنەكامسك) كومانداسىن قابىلدايدى.
