Elordalyq «Barys» hokkei klýby quramyna finliandiialyq qorǵaýshy Aleks Lintýniem qosyldy, dep habarlaidy "Ult aqparat".
Kelisimshart 2021 jyldyń 30 sáýirine deiin jasalǵan.
Oiynshy hokkeidegi alǵashqy qadamyn óz elindegi HIFK komandasynda bastaǵan.
Odan keiingi jyldarda finliandiialyq kóptegen klýbtardyń jeidesin kidi. Sondai-aq, amerikandyq hokkei ligasynda sheberligin shyńdady.
Finliandiianyń jasóspirimder jáne jastar quramalarynda oiyn kórsetti. Biyldan bastap óziniń ulttyq quramasyna shaqyrtý aldy.
2014 jyly Ulttyq hokkei ligasyndaǵy «Los Andjeles Kings» quramyna qabyldandy. 2020/2021 jylǵy kezeńdi ol finliandiialyq IýP komandasynda bastap 11 oiynda muz aidynǵa shyqty.
Ol «Barys» hokkei klýbynda 40 nómirli jeidemen oiyn kórsetedi.
Esterińizge sala ketelik, elordalyq komandanyń shvetsiialyq qorǵaýshysy Viktor Svedberg budan buryn oiyn barysynda jaraqat alyp qalǵan edi. Onyń birneshe kezdesýge qatysa almaityny belgili boldy.
