Elordadaǵy «Barys Arena» stadionyna jankúierler qaita kiretin boldy, dep habarlaidy "Ult aqparat".
Bul týraly QR Mádeniet jáne sport ministrligi Sport isteri jáne dene shynyqtyrý komitetiniń tóraǵasy Serik Sápiev Instagram -daǵy paraqshasynda málim etti.
«Barlyǵy da hokkeige! Hokkei jankúierleri úshin jaqsy jańalyq. Sanitarlyq-epidemiologiialyq talaptardy saqtai otyryp, Qurlyqtyq hokkei ligasy aiasynda plei-offmatchtaryn tolymdylyǵy 30 paiyzdan aspaityndai jankúierlerdiń qatysýymen ótkizýge ruqsat berildi. Erteń, 6 naýryz kúni saǵat 17.00-de «Barys» «Metallýrgpen» kúsh synasady», dep jazdy Sápiev.
Eske sala keteiik, budan buryn «Barystyń» overtaimda «Metallýrgtan» basym túskenin jazǵan bolatynbyz.
Oiyndar seriiasynda eki matchtan keiin esep teń – 1:1.
