Búginnen bastap azamattardyń qolailylyqtary úshin halyqqa qyzmet kórsetý ortalyqtarynyń mobildik toptary elektrondyq úkimet portaly arqyly azamattardy ýaqytsha tirkeý boiynsha qyzmetterdi kórsetý úshin oqý oryndaryn, bazarlady jáne saýda ortalyqtaryn aralaityn bolady.
«Ýaqytsha tirkelip úlgermegen azamattardyń qolailylyqtary úshin HQKO-lardyń mobildik toptary JOO-larda jáne saýda úilerinde qyzmet kórsetetin bolady. Mobildik toptardyń inspektorlary barlyq qalaýshylarǵa elektorondyq tsifrlyq qoltańba jazyp, elektrondyq úkimet portalynda ýaqytsha tirkeýge ótinish resimdeýge kómektesedi. Bul shyǵýlar barlyq oblys ortalyqtary men Astana jáne Almaty qalalarynda uiymdastyryldy», - dedi «Azamattarǵa arnalǵan úkimet» memlekettik korporatsiiasy» KE AQ filialy – Memlekettik qyzmetterdi kórsetý direktsiiasynyń direktory Ásemgúl Baltasheva.
Onyń aitýynsha, Astanada mobildik toptar «Artem», «Eýraziia», «Azia park» saýda úilerine, al Almatyda «Tigrohaýd», «Arystan», «Bolashaq» jáne t.b. bazarlarǵa shyǵatyn bolady. Mobildik toptar barlyǵy 82 núkteni, onyń ishinde JOO-lardy, bazarlardy jáne memlekettik uiymdardy qamtýdy josparlap otyr.
Esterińizge sala ketsek, azamattardy ýaqytsha tirkeý qyzmetin elektrondyq úkimet portaly arqyly onlain júzege asyrýǵa bolady. Qyzmet «Azamattyq, migratsiia jáne immigratsiia» taraýynda qoljetimdi. HQKO qyzmetkerderi azamattarǵa ýaqytsha tirkeýge ótinimdi resimdeýge kómektesedi, bul rette menshik iesi (bireý nemese birneshe) ETsQ arqyly óz kelisimin rastaýy tiis, odan keiin ótinim tirkelýshiniń Jeke kabinetine qaityp keledi. Ol onlain rejiminde memlekettik baj salyǵyn tóleýi qajet jáne óz ótinishinine ETsQ arqyly qol qoiýy qajet. Ýaqytsha tirkelgenin mekenjaiyn tekserý úshin azamat mekenjai anyqtamasyn ala alady.
Bazarlar men oqý oryndarynda mobildik toptardyń jumys isteý kestesin myna silteme arqyly kóre alasyzdar.
