Foto: pexels.com
BBC izraildik dárigerlerdiń sózine súienip habarlaýynsha, Izraildiń soltústigindegi Biniaminge dron shabýylynan 60-tan astam adam jaraqat alǵan.
United Hatzalah eriktiler uiymy zardap shekkenderdiń jaǵdaiy aýyrdan ortasha deńgeige deiin ekenin naqtylady. Bes adam tikushaqtar men jedel járdem kólikterimen aýrýhanalarǵa jetkizilgen.
Shabýylǵa jaýapkershilikti livandyq "Hezbolla" qozǵalysy óz moinyna aldy, olar shabýyldyń maqsaty Izrail armiiasynyń "Golani" brigadasynyń oqý lageri bolǵanyn málimdedi. "Hezbollanyń" málimdemesinde bul shabýyl beisenbide Izraildiń Beirýt pen Ońtústik Livanǵa jasaǵan soqqylaryna jaýap ekeni aitylǵan. "Hezbolla" kóptegen dron jibergenin málimdedi.
Basylymnyń jazýyna qaraǵanda, Izraildegi tsenzýra BAQ-qa qandai da bir nysannyń qai jerde soqqyǵa ushyraǵanyn habarlaýǵa ruqsat bermeidi, biraq keibir izraildik BAQ-tyń habary boiynsha, jarylys tómen biiktikte ushyp kelgen dronnan shyqqan jáne odan dabyl qaǵylmaǵan bolýy múmkin.
.jpg)