Ótken jyldyń 19 jeltoqsanynda Reseidiń Kamchatka túbeginde qýattylyǵy Hirosimaǵa tastalǵan bombadan 10 ese artyq meteorit jarylǵan. Alaida bul jait týraly tek naýryz aiynda belgili boldy, dep habarlaidy Sky News NASA-nyń málimetterine silteme jasap.
Bul - sońǵy júzjyldyqtaǵy qýattylyǵy boiynsha ekinshi jarylys. 2013 jyly Cheliabinskide qulaǵan meteoritten kem túspeidi. Jarylys qýattylyǵy – 173 kilotonna.
NASA qyzmetkerleriniń aitýynsha, mundai jarylys bir ǵasyrda 2-3 ret qana qaitalanýy múmkin.
Meteorit Jer qabatynan 26 shaqyrym qashyqtyqta jarylǵan. Ony amerikalyq áskeri jerserikter baiqap qaldy.
NASA qyzmetkeri Lindli Djonsonnyń pikirinshe, nysan azamattyq ushaqtar qoldanatyn baǵyttyń mańynda jarylǵan. Zertteýshiler oqiǵa kýágerlerin tabý úshin áýe kompaniia qyzmetkerlerin surastyrý jumystaryn júrgizip jatyr.
