ٶتكەن جىلدىڭ 19 جەلتوقسانىندا رەسەيدٸڭ كامچاتكا تٷبەگٸندە قۋاتتىلىعى حيروسيماعا تاستالعان بومبادان 10 ەسە ارتىق مەتەوريت جارىلعان. الايدا بۇل جايت تۋرالى تەك ناۋرىز ايىندا بەلگٸلٸ بولدى, دەپ حابارلايدى Sky News ناسا-نىڭ مەلٸمەتتەرٸنە سٸلتەمە جاساپ.
بۇل - سوڭعى جٷزجىلدىقتاعى قۋاتتىلىعى بويىنشا ەكٸنشٸ جارىلىس. 2013 جىلى چەليابينسكٸدە قۇلاعان مەتەوريتتەن كەم تٷسپەيدٸ. جارىلىس قۋاتتىلىعى – 173 كيلوتوننا.
ناسا قىزمەتكەرلەرٸنٸڭ ايتۋىنشا, مۇنداي جارىلىس بٸر عاسىردا 2-3 رەت قانا قايتالانۋى مٷمكٸن.
مەتەوريت جەر قاباتىنان 26 شاقىرىم قاشىقتىقتا جارىلعان. ونى امەريكالىق ەسكەري جەرسەرٸكتەر بايقاپ قالدى.
ناسا قىزمەتكەرٸ ليندلي دجونسوننىڭ پٸكٸرٸنشە, نىسان ازاماتتىق ۇشاقتار قولداناتىن باعىتتىڭ ماڭىندا جارىلعان. زەرتتەۋشٸلەر وقيعا كۋەگەرلەرٸن تابۋ ٷشٸن ەۋە كومپانييا قىزمەتكەرلەرٸن سۇراستىرۋ جۇمىستارىن جٷرگٸزٸپ جاتىر.
