Atyraýda mektepke oramal taǵyp kelgen oqýshylardyń ata-analaryna jalpy alǵanda shamamen 200 myń teńge (Ulttyq bank baǵamy boiynsha 550 dollar kóleminde) aiyppul salyndy, dep jazady Sputnik agenttigi.
"Moi GOROD" portaly habarlaǵandai, Atyraý oblysynda 20 qyz dini kiimmen oqýǵa keledi.
"Mindetti mektep formasyn kiiý erejesi barlyǵyna ortaq. Aldymen ata-anaǵa eskertý jasalady", — dedi aimaqtaǵy Bilim salasyn baqylaý departamentiniń basshysy Satqan Esenǵaliev.
Onyń aitýynsha, eger balalar erejeni buzýyn jalǵastyra berse, onda Ákimshilik quqyq buzýshylyq kodeksiniń 409-baby boiynsha (Qazaqstannyń bilim berý, dene shynyqtyrý jáne sport salasyndaǵy zańnamasyn buzý) olardyń ata-analaryna qatysty ákimshilik shara qoldanylady, onda 10 AEK (24050 teńge nemese 67 dollar) aiyppul qarastyrylǵan.
"16 ata-anaǵa qatysty is sotqa joldandy, sodan keiin olardan bes AEK kóleminde aiyppul óndirý týraly sheshim qabyldandy, bul 12025 teńge", — dedi Esenǵaliev.
Ótken jyly mektep oqýshylarynyń ata-analaryna qatysty alty is qaralǵan bolatyn.
