اتىراۋدا مەكتەپكە ورامال تاعىپ كەلگەن وقۋشىلاردىڭ اتا-انالارىنا جالپى العاندا شامامەن 200 مىڭ تەڭگە (ۇلتتىق بانك باعامى بويىنشا 550 دوللار كٶلەمٸندە) ايىپپۇل سالىندى, دەپ جازادى Sputnik اگەنتتٸگٸ.
"موي گورود" پورتالى حابارلاعانداي, اتىراۋ وبلىسىندا 20 قىز دٸني كيٸممەن وقۋعا كەلەدٸ.
"مٸندەتتٸ مەكتەپ فورماسىن كييۋ ەرەجەسٸ بارلىعىنا ورتاق. الدىمەن اتا-اناعا ەسكەرتۋ جاسالادى", — دەدٸ ايماقتاعى بٸلٸم سالاسىن باقىلاۋ دەپارتامەنتٸنٸڭ باسشىسى ساتقان ەسەنعاليەۆ.
ونىڭ ايتۋىنشا, ەگەر بالالار ەرەجەنٸ بۇزۋىن جالعاستىرا بەرسە, وندا ەكٸمشٸلٸك قۇقىق بۇزۋشىلىق كودەكسٸنٸڭ 409-بابى بويىنشا (قازاقستاننىڭ بٸلٸم بەرۋ, دەنە شىنىقتىرۋ جەنە سپورت سالاسىنداعى زاڭناماسىن بۇزۋ) ولاردىڭ اتا-انالارىنا قاتىستى ەكٸمشٸلٸك شارا قولدانىلادى, وندا 10 اەك (24050 تەڭگە نەمەسە 67 دوللار) ايىپپۇل قاراستىرىلعان.
"16 اتا-اناعا قاتىستى ٸس سوتقا جولداندى, سودان كەيٸن ولاردان بەس اەك كٶلەمٸندە ايىپپۇل ٶندٸرۋ تۋرالى شەشٸم قابىلداندى, بۇل 12025 تەڭگە", — دەدٸ ەسەنعاليەۆ.
ٶتكەن جىلى مەكتەپ وقۋشىلارىنىڭ اتا-انالارىنا قاتىستى التى ٸس قارالعان بولاتىن.
