29 qazanda Helloýin merekesi kezinde qaza bolǵan Aqtóbe qalasynyń turǵyny Mádina Sherniiazova Seýldegi joǵary oqý oryndarynyń biriniń magistratýrasynda oqyp júrgen.
Anasy Gúlbaný Eshniiazovanyń aitýyna qaraǵanda, Mádina Helloýin merekesine bara jatyp, ápkesine videobailanyspen habarlasqan. Dostarymen birge ekenin, merekelik kóńil-kúilerin kórsetken, dep jazady Azattyq.
26 jastaǵy Mádina Sherniiazova Aqtóbe qalasyndaǵy №27 orta mektepte oqyǵan. Tatarstan astanasy Qazan federaldy ýniversitetiniń shyǵystaný fakýltetin korei tili boiynsha bitirip, Seýl qalasyndaǵy joǵary oqý oryndardyń birine magistratýraǵa túsken.
№27 orta mektep direktorynyń orynbasary Altyngúl Atkieva Mádina Sherniiazovany bala kezinen til úirenýge beiim boldy dep sipattaidy.
- Mektebimizdiń 2013 jylǵy túlegi edi. Óte jaqsy oqydy, til úirenýge beiim boldy. Aǵylshyn tilin tereńdetip oqytatyn synypty bitirdi. Sonan soń Qazan ýniversitetine tústi, - deidi ol.
Mádinanyń anasy Gúlbaný Sherniiazvanyń sószinshe, Mádina otbasyndaǵy eki qyzdyń kishisi ekenin, segizinshi synyptan korei tilin oqyǵan.
- Kúieýim Beibit Seýlge arnaiy reispen ushý úshin Almatyǵa ketti. Erteń qyzymyzdyń denesin Aqtóbege jetkizip qalar dep úmittenip otyrmyz. Qazaqstanyń Ońtústik Koreiadaǵy elshiligi habarlasyp, kómektesýge ýáde berdi, - deidi Gúlbaný Sherniiazova.
Seýldegi Helloýin kezinde Aqtóbe oblysynda týǵan 1996 jylǵy Qazaqstan azamaty da qaza bolǵanyn keshe Qazaqstan syrtqy ister ministrligi Telegram-arnasynda habarlaǵan.
Helloýindi toilaý Gamilton qonaq úii mańyndaǵy tar kóshelerdiń birinde bolǵan. Adamdardyń syǵylysyp, bir-birin taptap ketýine ne túrtki bolǵany belgisiz.
Aýdanǵa shamamen 100 myń adam jinalǵan dep aitylady. Basym bóligi 20-25-tegi jastar.
