Astanada EKSPO-2017 kórmesi aiasynda «Henan provintsiiasy kúnderi» ótti.
Qytai pavilonynda ashylǵan kórmege Hainan provintsiiasynyń delegatsiiasy, Qytai pavilonynyń jetekshileri, EKSPO-nyń astanalyq direktsiiasynyń basshylary jáne Qazaqstandaǵy iskerlik orta ókilderi qatysty.
Hainan provintsiiasynyń halyqaralyq saýda-sattyqty damytý komiteti ókili Van Tszinchjen: «Hainan Qytaidyń ońtústigindegi úlken aimaq sanalady. Tabiǵi resýrstarǵa bai, ekologiiasy taza. Bul týrister úshin taptyrmaityn ortalyq», - deidi. Van myrza qazaqstandyqtardy Hainan aralyna saiahat jasap, týristik qarym-qatynasty arttyra túsýge shaqyrdy.
Qazaqstan Respýblikasy Mádeniet jáne sport ministrliginiń týrizm indýstriiasynyń komitet basshysy Mainiýra Mýrzamadieva Elbasy Nursultan Ábishulynyń Qytai basshysy Si Tszinpinmen 2017 jyl Qazaqstandaǵy Qytai týrizmi jyly dep jariialaý týraly keliskenin tilge tiek etti.
Shara barysynda qos memlekettiń ókilderi ózara qarym-qatynasty damytý jónindegi memorandýmǵa qol qoidy. Hainan provintsiiasy ókilderi qazaqtandyqtarǵa týrizm salasyndaǵy tájiribelerin bólisýge daiyn ekendigin jetkizdi.
Hainan provintsiiasy halyqtyq saiasi konsýltativti keńesiniń basshysy Iýi Siýn: «Búginde Hainan – damý qarqyny zor, arnaiy ekonomikalyq aimaǵy bar provintsiia. Biz óz tájiribelerimizben bólisýge árqashan daiynbyz. Osyndai igi ister arqyly eki eldiń bailanysy nyǵaia túsedi degen oidamyn», - deidi.
Negizinen aýylsharýashylyqqa den qoiatyn bul provintsiia Qazaqstannyń úsh birdei oblysymen tyǵyz qarym-qatynas ornatýǵa nietti. Olar – Pavlodar, Aqmola, Shyǵys Qazaqstan oblystary. Odan bólek meditsina, agrohimiia, týrizm sekildi salalardaǵy qarym-qatynas qarastyrylatyn bolady.
Hainan provintsiiasy kórmesiniń ashylýyna orai Qytaidan 20-dan astam kásipker Astanaǵa at basyn burdy. Olar meditsina, aýyl sharýashylyǵy, týrizm salalary boiynsha jańa bailanystar ornatýdy kózdep otyr.
Ashylý saltanaty barysynda hainandyq ónerpazdar óner kórsetti. Sondai-aq, pavilon ishinde azyq-túlik taýarlary qoiylyp, estelik syilyqtar taratyldy. Qonaqtar Hainannyń mádeni muralaryn tamashalaý múmkindigine ie boldy.
Aita ketsek, Hainan – Qytaidyń ońtústiginde ornalasqan kýrortty aimaq. Bul aimaq shipajailarynyń arqasynda byltyr el ekonomikasyna 2 mlrd AQSh dollarynan astam investitsiia tartqan. Ortalyqta týrizm, aýyl sharýashylyǵy salalary jaqsy damyǵan.
