Sýret: Tengrinews.kz©
Almaty politsiiasy úsh balasymen 9-qabattan sekirip ketken áiel nege mundai áreketke barǵanyn atady. Politsiia málimetinshe, áieldiń óz-ózine qol jumsaýyna turmystyq negizdegi janjal sebep bolǵan, - dep habarlaidy Tengrinews.kz tilshisi.
Almaty qalalyq Politsiia departamenti málimetinshe, oqiǵa 22 qarashada tús aýa "Jetisý" yqshamaýdanynda bolǵan.
"Tergeýdiń osy kezeńinde 9-qabattan úsh balasymen sekirip ketken áiel nege mundai áreketke barǵany anyqtaldy. Otbasylyq-turmystyq qatynas negizinde jubaiymen janjal bolǵan. Ol óz-ózine qol jumsaý týraly hat qaldyrǵan", - delingen politsiia habarlamasynda.
Aita keteiik, qylmystyq is QR Qylmystyq kodeksiniń 105-babyna sáikes tergelip jatyr. Tergeý-jedel toby qurylǵan.
