Dúniejúzilik densaýlyq saqtaý uiymy Eýropalyq óńirlik biýrosynyń direktory Hans Kliýge Qazaqstan telearnalarynyń birine suhbat berýge nietti. Bul týraly QR DSM Qoǵamdyq densaýlyq saqtaý ulttyq ortalyǵy direktorynyń orynbasary Serjan Aidosov aitty, dep habarlaidy "Ult aqparat".
«Hans Kliýge óz tarapynan qyzyǵýshylyq tanytyp otyr. Ol «sizderdiń tájiribelerińizdi qarap, soǵan qatysty ustanymyzdy bildirsek» dep usynys jasady. Osy aptanyń ishinde Dúniejúzilik densaýlyq saqtaý uiymynyń Qazaqstandaǵy ókildigimen birlese otyryp, Habar-24 nemese basqa respýblikalyq arnamen kelisimge kelemiz. Ol suhbat berýge daiyn», - dedi Serjan Aidosov «Densaýlyq saqtaý ministrligi habarlaidy» baǵdarlamasy barysynda.
Esterińizge sala ketsek, Dúniejúzilik densaýlyq saqtaý uiymy Eýropalyq óńirlik biýrosynyń direktory Hans Kliýge Qazaqstannyń koronavirýsqa qarsy kúres sharalaryna joǵary baǵa bergen edi.
«Qazaqstan – COVID19-ǵa qatysty ahýaldy turaqtandyrý boiynsha belsendi kúsh-jigerdiń tamasha úlgisi», - dep jazdy Kliýge Twitter-de.
