دٷنيەجٷزٸلٸك دەنساۋلىق ساقتاۋ ۇيىمى ەۋروپالىق ٶڭٸرلٸك بيۋروسىنىڭ ديرەكتورى حانس كليۋگە قازاقستان تەلەارنالارىنىڭ بٸرٸنە سۇحبات بەرۋگە نيەتتٸ. بۇل تۋرالى قر دسم قوعامدىق دەنساۋلىق ساقتاۋ ۇلتتىق ورتالىعى ديرەكتورىنىڭ ورىنباسارى سەرجان ايدوسوۆ ايتتى, دەپ حابارلايدى "ۇلت اقپارات".
«حانس كليۋگە ٶز تاراپىنان قىزىعۋشىلىق تانىتىپ وتىر. ول «سٸزدەردٸڭ تەجٸريبەلەرٸڭٸزدٸ قاراپ, سوعان قاتىستى ۇستانىمىزدى بٸلدٸرسەك» دەپ ۇسىنىس جاسادى. وسى اپتانىڭ ٸشٸندە دٷنيەجٷزٸلٸك دەنساۋلىق ساقتاۋ ۇيىمىنىڭ قازاقستانداعى ٶكٸلدٸگٸمەن بٸرلەسە وتىرىپ, حابار-24 نەمەسە باسقا رەسپۋبليكالىق ارنامەن كەلٸسٸمگە كەلەمٸز. ول سۇحبات بەرۋگە دايىن», - دەدٸ سەرجان ايدوسوۆ «دەنساۋلىق ساقتاۋ مينيسترلٸگٸ حابارلايدى» باعدارلاماسى بارىسىندا.
ەستەرٸڭٸزگە سالا كەتسەك, دٷنيەجٷزٸلٸك دەنساۋلىق ساقتاۋ ۇيىمى ەۋروپالىق ٶڭٸرلٸك بيۋروسىنىڭ ديرەكتورى حانس كليۋگە قازاقستاننىڭ كوروناۆيرۋسقا قارسى كٷرەس شارالارىنا جوعارى باعا بەرگەن ەدٸ.
«قازاقستان – COVID19-عا قاتىستى احۋالدى تۇراقتاندىرۋ بويىنشا بەلسەندٸ كٷش-جٸگەردٸڭ تاماشا ٷلگٸسٸ», - دەپ جازدى كليۋگە Twitter-دە.
