Ánshi Janar Hamitovanyń týystary, onyń ózine-ózi qol salǵanyn joqqa shyǵardy.
Marqumnyń týysqan aǵasy "Astana" arnasyna qaryndasynyń qazasyna múlde basqa jaǵdai sebep bolǵanyn habarlady. Degenmen qazir oqiǵanyń mán-jaiyn politsiia anyqtaýǵa kirisken.
Qaiǵyly jaǵdai Qarqaraly aýdanyndaǵy ákesiniń úiinde bolǵan. Oqiǵa ornyna jedel járdem shaqyrtylǵanymen, ánshige arasha bola almapty. Degenmen Janardyń jumbaq ólimine qatysty túrli qaýeset tarap úlgerdi. Áleýmettik jelidegi jazbalarda, ánshi ózine qol saldy, asylyp qaldy degen aqparattar jyldam tarady.
Politsiia "ózin-ózi óltirýge deiin jetkizý" babymen tergeý jumystaryn bastady. Buǵan deiin ishki ister ministri Erlan Turǵymbaev ta ánshiniń óz-ózine qol jumsaǵanyn aitqan bolatyn.
Alaida marqumnyń týystary ánshiniń ózine qol jumsaǵanyn joqqa shyǵaryp otyr. Ózin týysqan aǵasymen dep tanystyrǵan Tiyshbek Hamitovtiń aitýynsha, qaryndasynyń qazasyna onyń basynda bolǵan jaittar sebep bolǵan. Júregine salmaq saldy deidi.
"Ondai eshteńe bolǵan joq. Júregi shydamady. Úide tazalyq jumystaryn istep jatty, 1-2 kúnge kelgen. Ondai eshteńe bolǵan joq. Júregi nashar boldy. Bir nársege alańdaǵan bolsa kerek. Altyn bala ol. Shyǵarmashylyqtyń adam edi", - deidi Tiyshbek Hamitov.
Janar - otbasyndaǵy úsh balanyń úlkeni. 12 jasynan bastap úlken sahnalarda óner kórsete bastaǵan. 2006 jyly "SuperStar KZ" mega-jobasyna qatysyp, úzdikter sanatyna qosyldy. Keiin "Arnaý" dýetinde án salǵanyn kópshilik jaqsy biledi. Alaida 2009 jyly ánshi sahnadan kórinbei ketti. Byltyr ǵana kópshilik aldyna qaita shyǵyp, aýyr taǵdyry jaily suqbat bergen bolatyn. Aýqatty kúieýi eki ulyn alyp qalyp, ózin qýyp jibergenin aitqan edi. Bir suqbatynda qorǵaýshy jaldap balalaryn ózine qaitarýǵa tyrysyp júrgenin de jetkizgen. Degenmen psihologtar kúizelistiń sońy kóp jaǵdai sýitsidke aparatynyn moiyndaidy.
"Bul uzaq ýaqytqa sozylatyn depressivtik kúidiń saldary bolyp tabylady. Qorshaǵan ortada mysaly, adamnyń boiynda týyndaǵan moraldyq suraqtarǵa adam uzaq ýaqyt jaýap tappaidy. Nege? Qalai? degen sekildi. Kóbinese ol jaqyn adamdarmen sóilesetin bolsa, qoldaý kórsetetin bolsa, psihologiialyq turǵydan sitýatsiiany sheshýge bolady", - dep túsindirdi E.Bóketov atyndaǵy QARMÝ psihologiia kafedrasynyń aǵa oqytýshysy Kámshat Igembaeva.
