ەنشٸ جانار حاميتوۆانىڭ تۋىستارى, ونىڭ ٶزٸنە-ٶزٸ قول سالعانىن جوققا شىعاردى.
مارقۇمنىڭ تۋىسقان اعاسى "استانا" ارناسىنا قارىنداسىنىڭ قازاسىنا مٷلدە باسقا جاعداي سەبەپ بولعانىن حابارلادى. دەگەنمەن قازٸر وقيعانىڭ مەن-جايىن پوليتسييا انىقتاۋعا كٸرٸسكەن.
قايعىلى جاعداي قارقارالى اۋدانىنداعى ەكەسٸنٸڭ ٷيٸندە بولعان. وقيعا ورنىنا جەدەل جەردەم شاقىرتىلعانىمەن, ەنشٸگە اراشا بولا الماپتى. دەگەنمەن جاناردىڭ جۇمباق ٶلٸمٸنە قاتىستى تٷرلٸ قاۋەسەت تاراپ ٷلگەردٸ. ەلەۋمەتتٸك جەلٸدەگٸ جازبالاردا, ەنشٸ ٶزٸنە قول سالدى, اسىلىپ قالدى دەگەن اقپاراتتار جىلدام تارادى.
پوليتسييا "ٶزٸن-ٶزٸ ٶلتٸرۋگە دەيٸن جەتكٸزۋ" بابىمەن تەرگەۋ جۇمىستارىن باستادى. بۇعان دەيٸن ٸشكٸ ٸستەر مينيسترٸ ەرلان تۇرعىمباەۆ تا ەنشٸنٸڭ ٶز-ٶزٸنە قول جۇمساعانىن ايتقان بولاتىن.
الايدا مارقۇمنىڭ تۋىستارى ەنشٸنٸڭ ٶزٸنە قول جۇمساعانىن جوققا شىعارىپ وتىر. ٶزٸن تۋىسقان اعاسىمەن دەپ تانىستىرعان تيىشبەك حاميتوۆتٸڭ ايتۋىنشا, قارىنداسىنىڭ قازاسىنا ونىڭ باسىندا بولعان جايتتار سەبەپ بولعان. جٷرەگٸنە سالماق سالدى دەيدٸ.
"ونداي ەشتەڭە بولعان جوق. جٷرەگٸ شىدامادى. ٷيدە تازالىق جۇمىستارىن ٸستەپ جاتتى, 1-2 كٷنگە كەلگەن. ونداي ەشتەڭە بولعان جوق. جٷرەگٸ ناشار بولدى. بٸر نەرسەگە الاڭداعان بولسا كەرەك. التىن بالا ول. شىعارماشىلىقتىڭ ادام ەدٸ", - دەيدٸ تيىشبەك حاميتوۆ.
جانار - وتباسىنداعى ٷش بالانىڭ ٷلكەنٸ. 12 جاسىنان باستاپ ٷلكەن ساحنالاردا ٶنەر كٶرسەتە باستاعان. 2006 جىلى "SuperStar KZ" مەگا-جوباسىنا قاتىسىپ, ٷزدٸكتەر ساناتىنا قوسىلدى. كەيٸن "ارناۋ" دۋەتٸندە ەن سالعانىن كٶپشٸلٸك جاقسى بٸلەدٸ. الايدا 2009 جىلى ەنشٸ ساحنادان كٶرٸنبەي كەتتٸ. بىلتىر عانا كٶپشٸلٸك الدىنا قايتا شىعىپ, اۋىر تاعدىرى جايلى سۇقبات بەرگەن بولاتىن. اۋقاتتى كٷيەۋٸ ەكٸ ۇلىن الىپ قالىپ, ٶزٸن قۋىپ جٸبەرگەنٸن ايتقان ەدٸ. بٸر سۇقباتىندا قورعاۋشى جالداپ بالالارىن ٶزٸنە قايتارۋعا تىرىسىپ جٷرگەنٸن دە جەتكٸزگەن. دەگەنمەن پسيحولوگتار كٷيزەلٸستٸڭ سوڭى كٶپ جاعداي سۋيتسيدكە اپاراتىنىن مويىندايدى.
"بۇل ۇزاق ۋاقىتقا سوزىلاتىن دەپرەسسيۆتٸك كٷيدٸڭ سالدارى بولىپ تابىلادى. قورشاعان ورتادا مىسالى, ادامنىڭ بويىندا تۋىنداعان مورالدىق سۇراقتارعا ادام ۇزاق ۋاقىت جاۋاپ تاپپايدى. نەگە? قالاي? دەگەن سەكٸلدٸ. كٶبٸنەسە ول جاقىن ادامدارمەن سٶيلەسەتٸن بولسا, قولداۋ كٶرسەتەتٸن بولسا, پسيحولوگييالىق تۇرعىدان سيتۋاتسييانى شەشۋگە بولادى", - دەپ تٷسٸندٸردٸ ە.بٶكەتوۆ اتىنداعى قارمۋ پسيحولوگييا كافەدراسىنىڭ اعا وقىتۋشىسى كەمشات يگەمباەۆا.
