Qazaqstandyq aralas jekpe-jek faiteri Qýat "Naiman" Hamitov qarsylasynyń deńgeiine qatysty syn aitýshylarǵa jaýap berdi, - dep habarlaidy Vesti.kz basylymy.
"Osy jazbada keibir syn aitýshylardyń suraǵyna jaýap bergim keledi. Olardyń aitýynsha, men búkil mansabym barysynda tanymal emes sportshylarmen shyqqanmyn... Olar UFC, Bellator, PFL MMA, Rizin-de kúrespegender.
Meniń jaýabym: 10 jyl ishinde 30 jekpe-jek ótkizdim, mansabym bastalǵannan beri tek myqty qarsylastarmen shyqtym!
2011 jyldan bastap 2017 jylǵa deiin tordy bólisken sportshylardyń tizimin jariialadym. Ol kezde meniń ózim jańadan kelgen edim", - dep jazdy Qýat Hamitov Instagram-paraqshasynda.
Sondai-aq, Hamitov UFC-ke shyǵýǵa qatysty málimdeme jasady. "Al UFC týraly aitatyn bolsaq, eshqashan doping, steroidterdi qabyldaǵan emespin... Múmkindik bersin, men ózimdi kórsetemin", - dep qosty Qýat Hamitov.
