Foto: ATPress.kz
Atyraý oblysy ákiminiń burynǵy orynbasary Baqytgúl Hamenova sot zalynan bosap shyqty, - dep habarlaidy "Ult aqparat" ATPress.kz basylymyna silteme jasap.
15 qarashada Atyraý qalalyq 2 sotynda sýdia Jumaǵali Tashimov oblys ákiminiń burynǵy orynbasary Baqytgúl Hamenova men mádeniet basqarmasynyń eks-basshysy Aqylbek Rysqalievke jáne merdiger mekeme ókili Adamovtyń isine qatysty sot úkimin oqydy.
Sottalýshy Hamenovaǵa 7 jyl merzimge bas bostandyǵynan aiyrý jazasy taǵaiyndaldy, degenmen onyń kámelet jasqan tolmaǵan 2 balasynyń bolýyna bailanysty QK-tiń 74-babynyń 1-bóligin qoldanýmen jazany oryndaý 3 jylǵa keiinge qaldyryldy.
Al sottalýshy Rysqalievke 7 jyl, Adamovqa 4 jyl merzimge bas bostandyǵynan aiyrý jazasy taǵaiyndaldy.
Sondai-aq, sottalýshylardyń barlyǵy memlekettik qyzmette laýazymdardy atqarý quqyǵynan ómir boiyna aiyryldy.
Odan bólek, Qazaqstan Respýblikasynyń Prezidentine Hamenovany «Qurmet» ordeninen aiyrý týraly usynys engizildi.
Sot úkimi zańdy kúshine engen joq.
Osylaisha Hamenova sot zalynan bosady. Ol úkim zańdy kúshine engen jaǵdaida 3 jyldan soń taǵaiyndalǵan jazasyn óteitin bolady. Onyń tergeý izoliatorynda ótken 1 kúni, 1,5 kún bolyp esepteledi. Al Rysqaliev pen Adamovtyń úiqamaqtaǵy merziminiń 2 kúni 1 kúnge teńestirilmek.
video: ATPress.kz
