7 kún boiy koronavirýs juqtyrý ósimi 7 paiyzdan aspaǵanda halyqtyń turǵylyqty jerinen erkin shyǵýyna ruqsat beriledi. Bul jaiynda QR Bas sanitarlyq dárigeri Aijan Esmaǵambetova qol qoiǵan el halqyn koronavirýs infektsiiasynan qorǵaý sharalaryn odan ary kúsheitý týraly qaýlyda aitylǵan, dep habarlaidy "Ult aqparat".
«Oblystardyń, Almaty, Nur-Sultan, Shymkent qalalarynyń ákimderi 7 kún boiy COVID-19-ǵa shaldyǵý ósiminiń deńgeii 7 paiyzdan aspaǵan jaǵdaida 2 jáne odan da kóp adamnyń áleýmettik araqashyqtyqty saqtai otyryp, birge serýendeýi barysyna mindetti túrde maska taǵý arqyly turǵylyqty jerinen erkin shyǵýyna ruqsat berýdi; 3 adamnan aspaityn toppen nemese bir otbasynyń músheleri áleýmettik araqashyqtyqty saqtai otyryp, saiabaqtarǵa, alańdar, gúlzarlarǵa jáne oiyn-saýyq nysandarsyz jaǵalaýlarǵa barýyn ruqsat etsin», - delingen qaýlyda.
Sonymen qatar áleýmettik araqashyqtyq (3 adamnan kóp top nemese bir otbasy músheleri) saqtai otyryp aýlaǵa shyǵýǵa, Kóliktegi bas memlekettik sanitarlyq dáriger bekitken qosymsha talaptardy jáne kúsheitilgen sanitarlyq-zalalsyzdandyrý rejimin mindetti túrde saqtai otyryp, Qazaqstan Respýblikasynyń óńirleri arasynda (áýe reisimen) barýǵa/kelýge ruqsat berilmek.
