Qazaqstanda ár azamattyń óz qabiletin iske asyrýyna barynsha qolaily jaǵdai jasalady. Bul týraly Memleket basshysy Qasym-Jomart Toqaev Qazaqstan halqyna Joldaýynda aitty, dep habarlaidy QazAqparat.
«Dialog pen mámileniń joǵary mádenieti elimizdegi azamattyq yntymaqty arttyratyn basty faktordyń birine ainalady. Biz nadandyq pen eskilikke, radikalizm men masyldyqqa, toǵysharlyqqa jáne sybailas jemqorlyqqa tabandy túrde qarsy turamyz. Bir-birimizdi jat kórmei, jaqyn tartyp, qoǵamda naqty ózgeristerge degen senimdi ornyqtyramyz», - dedi Qasym-Jomart Toqaev.
Óz sózinde Prezident halyqtyń kúsh-jigerine, daryny men eńbekqorlyǵyna arqa súieitinin aitty.
«Ár azamattyń óz qabiletin iske asyrýyna barynsha qolaily jaǵdai jasaimyz. Biz osylaisha ǵana halqymyzdyń jasampazdyq áleýetin arttyra alamyz. Osylaisha ǵana ómirdiń barlyq salasyn ózgertip, reformalar dáýirin óz qolymyzben jasaimyz. Kez kelgen syn-qaterdi birge eńserip, Qazaqstanymyzdyń qýatyn birge arttyramyz dep senemin», - dedi Memleket basshysy.
