Allur avtomobil kompaniiasynyń quramyna kiretin Chevrolet brendi 2025 jyldy Qazaqstannyń eń myqty jáne tanymal avtomobil brendteriniń biri mártebesinde aiaqtady.
Jyl qorytyndysy boiynsha Chevrolet 38 880 avtomobil satyp, qazaqstandyq naryqta usynylǵan barlyq avtomobil brendteri arasynda ekinshi orynǵa ie boldy. Ótken jylmen salystyrǵanda brendtiń satylymy 25%-dan astam kórsetkishke ósti.
Jyldyń eń mańyzdy jetistikteriniń biri - qarashanyń rekordtyq kórsetkishi boldy, onda bir aida 7777 Chevrolet kóligi satyldy. Mundai joǵary kórsetkishke alǵash ret bir brend qol jetkizdi.
Satyp alýshylar tarapynan senimniń negizgi simvoly retinde - Chevrolet Cobalt bolyp qala beredi, bul model bes jyl qatarynan Qazaqstandaǵy barlyq avtomobilder arasynda satý boiynsha birinshi oryndy ielenedi. Ótken jyly Cobalt taǵy da eldiń eń kóp satylatyn kóligi boldy: 31 802 avtomobil satyldy.
Chevrolet-tiń jetistikke jetýinde jergilikti óndiris mańyzdy ról atqarady. Qazaqstandyq naryqqa arnalǵan brendtiń barlyq avtomobilderi, Cobalt pen Onix úlgilerin qosa alǵanda, General Motors tehnologiialaryn qoldana otyryp, Qostanaidaǵy Allur zaýytynda shyǵarylady. Zamanaýi óndiristik protsester, robottalǵan jeliler jáne sapany baqylaýdyń qatań standarttary avtomobilderdiń senimdiligi men halyqaralyq talaptarǵa sáikestigin qamtamasyz etedi.
2025 jyl Allur quramyndaǵy brendti damytý turǵysynan da mańyzdy kezeń boldy. Kompaniianyń portfelinde Chevrolet bes jyl bolǵanyn atap ótti, osy ýaqyt ishinde ol óz pozitsiiasyn edáýir nyǵaitty jáne naǵyz halyqtyq degen mártebesin bekitti. Brend ári qarai da naryqtaǵy qatysýyn keńeitýdi jáne tutynýshylarǵa jańa múmkindikter usynýdy jalǵastyrýda.
Chevrolet Kazakhstan distribýtsiiasynyń direktory Mark Nojnenko bylai dedi:
«2025 jyl Chevrolet-tiń senimdi brend ekenin rastady. Kobalttyń bes jyldyq kóshbasshylyǵy, brendtiń joǵary pozitsiialary jáne satylymnyń rekordtyq kórsetkishteri bizdiń klientterimizdiń tańdaýy men búkil komandanyń úilesimdi jumysynyń nátijesi boldy. 2026 jyly biz brendtiń pozitsiiasyn nyǵaita otyryp jáne satyp alýshylarǵa odan da kóp múmkindikter usyna otyryp, brend damytýdy jalǵastyramyz».
Brendtiń damýy tek kommertsiialyq kórsetkishterde ǵana emes, sonymen qatar eldiń sporttyq jáne qoǵamdyq ómirine belsendi qatysýda da kórinedi. Jyldyń mańyzdy oqiǵasy Sokol International Circuit avtodromynda ótken Cobalt Challenge jobasy boldy. Is-shara aiasynda alǵash ret arnaiy ainalma jarystarǵa arnalǵan Chevrolet Sobalt jańa jarys platformasy synaldy. Joba jańa ulttyq klasty qurýǵa jáne 2026 jylǵa josparlanǵan Cobalt Cup chempionatyn bastaýǵa negiz saldy.
Avtosporttan basqa, Chevrolet basqa da mańyzdy sporttyq baǵyttardy dáiekti túrde qoldaidy. Ótken jyl ishinde brend Octagon MMA-ligasynyń resmi seriktesi boldy, sondai-aq Qazaqstannyń basty sporttyq rámizderiniń biriniń seriktesi retinde qala otyryp, «Barys» hokkei klýbymen yntymaqtastyqty jalǵastyrdy.
2026 jyl bastalýynan Chevrolet klientter úshin arnaiy sharttardy usyndy. 2025 jylǵy Chevrolet Cobalt jáne Onix avtomobilderi biylǵy jyldyń uqsas modelderimen salystyrǵanda 600 000 teńgege deiingi paidamen qoljetimdi. Avtokólikter jańa bolyp qalady jáne olardyń sipattamalary men jabdyqtalý deńgeii tolyǵymen saqtalǵan; aiyrmashylyq tek shyǵarylǵan jyly men qunynda. Avtokólikterdiń sany shekteýli.
