Turǵyndar úshin kómir baǵasynyń zańsyz ósýin boldyrmaý kerek. Bul týraly Úkimet otyrysynda QR Indýstriia jáne infraqurylymdyq damý ministri Beibit Atamqulov aitty, dep habarlaidy QazAqparat.
«Jalpy jylytý maýsymyna daiyndyq bekitilgen josparǵa sáikes júrip jatyr jáne ministrliktiń turaqty baqylaýynda. Aldaǵy jylý berý maýsymyna ýaqytyly daiyndalý maqsatynda ákimdikter belgilengen merzimde bilim, densaýlyq saqtaý obektilerin, turǵyn úilerdi jáne eldi mekenderdiń injenerlik infraqurylymyn daiyndaý boiynsha barlyq jóndeý jumystarynyń oryndalýyna baqylaýdy qamtamasyz etýi qajet», - dedi ministr.
Sonymen qatar jergilikti atqarýshy bilik kómir tapshylyǵyn boldyrmaý maqsatynda kómir jetkizýshilerimen belsendi ózara is-qimyl jasaýy tiis.
«Monopoliiaǵa qarsy vedomstvonyń aýmaqtyq bólimshelerin tartý arqyly kommýnaldyq-turmystyq qajettilikter men turǵyndar úshin kómir baǵasynyń zańsyz ósýin boldyrmaý kerek. Derbes qazandyqtar úshin otyndy ýaqtyly daiyndaý jáne qolda bar debitorlyq bereshekti óteý boiynsha is-sharalar qabyldaýy tiis», - dedi Beibit Atamqulov.
