تۇرعىندار ٷشٸن كٶمٸر باعاسىنىڭ زاڭسىز ٶسۋٸن بولدىرماۋ كەرەك. بۇل تۋرالى ٷكٸمەت وتىرىسىندا قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ ايتتى, دەپ حابارلايدى قازاقپارات.
«جالپى جىلىتۋ ماۋسىمىنا دايىندىق بەكٸتٸلگەن جوسپارعا سەيكەس جٷرٸپ جاتىر جەنە مينيسترلٸكتٸڭ تۇراقتى باقىلاۋىندا. الداعى جىلۋ بەرۋ ماۋسىمىنا ۋاقىتىلى دايىندالۋ ماقساتىندا ەكٸمدٸكتەر بەلگٸلەنگەن مەرزٸمدە بٸلٸم, دەنساۋلىق ساقتاۋ وبەكتٸلەرٸن, تۇرعىن ٷيلەردٸ جەنە ەلدٸ مەكەندەردٸڭ ينجەنەرلٸك ينفراقۇرىلىمىن دايىنداۋ بويىنشا بارلىق جٶندەۋ جۇمىستارىنىڭ ورىندالۋىنا باقىلاۋدى قامتاماسىز ەتۋٸ قاجەت», - دەدٸ مينيستر.
سونىمەن قاتار جەرگٸلٸكتٸ اتقارۋشى بيلٸك كٶمٸر تاپشىلىعىن بولدىرماۋ ماقساتىندا كٶمٸر جەتكٸزۋشٸلەرٸمەن بەلسەندٸ ٶزارا ٸس-قيمىل جاساۋى تيٸس.
«مونوپوليياعا قارسى ۆەدومستۆونىڭ اۋماقتىق بٶلٸمشەلەرٸن تارتۋ ارقىلى كوممۋنالدىق-تۇرمىستىق قاجەتتٸلٸكتەر مەن تۇرعىندار ٷشٸن كٶمٸر باعاسىنىڭ زاڭسىز ٶسۋٸن بولدىرماۋ كەرەك. دەربەس قازاندىقتار ٷشٸن وتىندى ۋاقتىلى دايىنداۋ جەنە قولدا بار دەبيتورلىق بەرەشەكتٸ ٶتەۋ بويىنشا ٸس-شارالار قابىلداۋى تيٸس», - دەدٸ بەيبٸت اتامقۇلوۆ.
