Halyqqa qyzmet kórsetý ortalyqtarynyń jumys ýaqyty ózgergen joq, dep habarlaidy "Ult aqparat".
Keshe birqatar messendjer arqyly 17 naýryzdan bastap elimizdegi halyqqa qyzmet kórsetý ortalyqtary, sonyń ishinde avtokólik júrgizýshilerine arnalǵan mamandandyrylǵan halyqqa qyzmet kórsetý ortalyqtary jumysyn toqtatatyny týraly aqparat tarady.
Osy máselege qatysty QazAqparat tilshisine «Azamattarǵa arnalǵan úkimet» korporatsiiasynyń qoǵammen bailanys departamentiniń basshysy Murat Jumanbai jaýap berdi.
«Elimizde halyqqa qyzmet kórsetý ortalyqtary shtattyq rejimde jumys istep jatyr. Qyzmetkerlerge qatysty meditsinalyq maska taǵý, antiseptikter qoldaný, qoldy jii jýý siiaqty koronavirýstan qorǵaný is-sharalary qabyldanýda. Ázirge jumys ádettegidei tańǵy 9:00-den keshki 20:00-ge deiin jalǵasýda», - deidi Murat Jumanbai.
