Búgin elordada jáne birqatar óńirde Halyqqa qyzmet kórsetý ortalyqtary jumysyn qaita bastady, dep habarlaidy "Ult aqparat" «Azamattarǵa arnalǵan úkimet» memlekettik korporatsiiasyna silteme jasap.
Atap aitqanda, elordada Máńgilik el, 30 mekenjaiynda ashylǵan jalǵyz ǵana HQO shaǵyn jáne orta biznes sýbektilerine ǵana qyzmet kórsetetin bolady. Onymen qosa, kásipkerler ákimdiktiń aldyn ala usynǵan tizimi boiynsha qabyldanady. Olar biznesti júrgizýmen bailanysty qyzmetterdi, sonyń ishinde jyljymaityn/jyljymaly múlikti kepilge qoiý shartyn jáne onyń qosymshasyn tirkeý qyzmetterin ala alady.
Sondai-aq astanada jumysyn bastaǵan bir Mamandandyrylǵan HQO tek avtokólik salondaryna qyzmet kórsetedi.
Memlekettik qyzmetterdi sapaly jáne ýaqytyly usyný úshin «Azamattarǵa arnalǵan úkimet» kásipkerlerge qujattardyń tolyq paketin aldyn ala ázirlep, usynýdy suraidy. HQO-lardyń jumys kestesi - 09:00-den 17:00-ge deiin.
4 mamyrdan HQO-lar Aqmola, Aqtóbe, Atyraý, Soltústik Qazaqstan jáne Túrkistan oblystarynda ashyldy. Olar da tek shaǵyn jáne orta bizneske qyzmet kórseteti.
Al Oral, Qaraǵandy jáne Aqtaý qalalarynda jeke tulǵalar úshin halyqqa qyzmet kórsetý ortalyqtary jumysyn jandandyrdy. «Biraq koronavirýs pandemiiasyna bailanysty, onda tek onlain túrde qoljetimsiz qyzmetter boiynsha qyzmet alýǵa bolady. Bul rette elektrondy úkimet portaly nemese 1414 biryńǵai bailanys ortalyǵy arqyly kezek ýaqyty aldyn ala brondalýy tiis. Degenmen, zeinetkerler, kópbalaly otbasylar jáne múmkindigi shekteýli jandar elektrondyq qyzmetterdi HQO-dan ala alady. Front-ofiste olar úshin jeńildik terezesi jumys isteidi. Sondai-aq olar da HQO-ǵa baratyn ýaqytyn aldyn ala brondaýy kerek», - delingen aqparatta.
HQO-da kezekti https://egov.kz/services/SR.06/#/declaration/// saitynda nemese 1414 nómiri arqyly brondaýǵa bolady.
4 mamyrda jumysyn qaita bastaityn kásipkerlerge qyzmet kórsetetin HQO-lar men jeke tulǵalarǵa arnalǵan HQO-lar tizimi myna saitta: https://gov4c.kz/ru/zhanalyktar/2020/04/30/keibir-aimaktarda-khko-zhumysy-kaita-zhandanady/
