Foto: facebook.com/edilzh
Májilis depýtaty Edil Jańbyrshin jylýmen jabdyqtaý problemalaryn, jylý berý júiesin damytý máselelerin Forbes tizimindegi kásipkerler kómegimen sheshýdi usyndy, - dep habarlaidy "Ult aqparat".
"Qarajat pen tehnologiiany qaidan alamyz? Tarifti únemi kótere berýge bolmaidy, al biýdjette shekteýler bar. Investitsiia máselesi de tarifke bailanysty bolady, óitkeni investitsiiany qaitarý kerek. Osy turǵyda mende bir usynys bar, bireýler popýlistik dep aitar, bireýler taǵy basqa deýi múmkin. Bizde Forbes tiziminde 160 millioner men milliarder bar. Sonyń bastapqy 20-syn óńirler boiynsha bólýdi usynamyn, solar kómektessin. Memleketimizdiń búkil bailyǵynan paida tapty, baiydy, endi halyqqa, memleketke kómektessin. Bar ǵoi aqshalary, onyń bárin o dúniege alyp ketpeidi ǵoi", - dedi Jańbyrshin.
Biraq depýtat mundai qymbat jáne tiimsiz jobalarǵa milliarderlerdi qalai tartý kerek ekenin aitqan joq.
