Halyqarlyq valiýta qory (HVK) COVID-19 koronavirýsymen kúresý úshin naryqtyq ekonomikasy qalyptasyp kele jatqan kedei elder men memleketterdi qarjylandyrýǵa 50 mlrd dollar bóledi.
Bul týraly HVQ basqarýshy direktory Kristalina Georgieva CNBC-ge bergen suhbatynda aitty, dep habarlaidy "Ult aqparat".
Ol aqshany alý úshin elderge HVQ-men birge júzege asyrylǵan baǵdarlama bolýy mindetti emes ekenin, al bólingen qarajattyń 10 milliard dollary qordyń jedeldetilgen nesieleý mehanizmi arqyly kedei elderge paiyzsyz qaryz túrinde beriletinin aitty.
«Bizdiń qazir istep jatqan jumysymyz - ár eldiń qarjylyq qajettilikterin taldaý jáne osy resýrstar týraly biletinine kóz jetkizý úshin osy eldermen ózara is-qimyl jasaý», - dedi Georgieva amerikalyq biznes arnasyna bergen suhbatynda.
«Sonymen, biz ózara árekettesýdiń alǵashqy satysynda turmyz. Biraq suranys túsken kezde biz tez áreket etetinimizge sendire alamyn».
HVQ basshysy buǵan deiin baspasóz konferentsiiasy barysynda «jahandyq ósim 2020 jyly ótken jylǵa qaraǵanda tómen bolatynyn, biraq qanshalyqty túsetinin jáne áseri qansha ýaqytqa sozylatynyn boljaý áli qiyn» ekenin aitqan bolatyn.
HVQ sharalary álem boiynsha halyqaralyq qarjy mekemeleri men ortalyq bankterdiń tez taraityn aýrýdyń ekonomikalyq zardaptaryna qatysty qaýipterdi eńserý boiynsha sońǵy is- qimyldarǵa ainaldy.
Seisenbide AQSh Federaldy rezervtik júiesi paiyzdyq mólsherlemeni jarty paiyzǵa tómendetetinin málimdedi, al Dúniejúzilik bank virýspen kúresetin elderge dereý 12 mlrd dollar qarjy bólýge ýáde berdi.
