Foto: ál-Farabi atyndaǵy QazUÝ-dyń Baspasóz qyzmeti

Ál-Farabi atyndaǵy Qazaq ulttyq ýniversitetiniń Basqarma Tóraǵasy – Rektor Janseiit Túimebaev Halyqaralyq túrki mádenieti men murasy qorynyń prezidenti Aqtoty Raiymqulovamen kezdesý ótkizdi.

Taraptar bolashaqta birlesip júzege asyratyn aýqymdy bastamalar men jobalardy talqylady.

Óz kezeginde Aqtoty Raiymqulova Ál-Farabi atyndaǵy QazUÝ bazasynda Halyqaralyq túrki mádenieti men murasy qorynyń ortalyǵyn ashýdy usyndy. Sondai-aq ýniversitet pen qordyń bolashaqta ortaq jobalardy júzege asyrýǵa áleýeti tolyqtai jetetinine senim bildirdi.

«Biyl Halyqaralyq túrki mádenieti men murasy qoryna Ázirbaijan tóraǵalyq etip otyr. Kelesi jyly qorǵa Qazaqstan basshylyq etedi. Sondyqtan aldaǵy ýaqytta aýqymdy jobalardy júzege asyrý josparymyzda bar. Túrkolog ǵalymdardyń basyn qosyp, túrki álemi men mádenietin zertteýge arnalǵan halyqaralyq konferentsiialardy ótkizýdi kózdep otyrmyz. Osy turǵyda Ál-Farabi atyndaǵy Qazaq ulttyq ýniversitetimen tyǵyz jumys isteimiz dep oilaimyn», – dedi Aqtoty Rahmetollaqyzy.

Janseiit Túimebaev atalǵan usynysty tolyq qoldaitynyn jetkizip, ýniversitet tarapynan qajetti kómek kórsetiletinin aitty.

Aita keteiik, biyl Halyqaralyq túrki mádenieti men murasy qory jáne Ál-Farabi atyndaǵy Qazaq ulttyq  ýniversiteti ózara túsinistik týraly memorandýmǵa qol qoiǵan bolatyn. Kelisimniń maqsaty – taraptar arasyndaǵy seriktestik bailanysty qoldaýǵa jáne damytýǵa jaǵdai jasaýǵa yqpal etý.

Qaragóz Serikqyzy,

ál-Farabi atyndaǵy QazUÝ, Baspagerlik, redaktorlyq jáne dizainerlik óner

kafedrasynyń oqytýshysy