QR Premer-Ministri Asqar Maminniń tóraǵalyǵymen ótken Úkimet otyrysynda saýda jáne integratsiia vitse-ministri Azamat Asqaruly Qazaqstannyń «Doing Business» reitingindegi, sondai-aq, Jahandyq logistikalyq tiimdilik reitingindegi (LPI) pozitsiiasyn jaqsartý boiynsha qabyldanyp jatqan sharallar týraly baiandady.
QR Saýda jáne integratsiia ministrligi «Doing Business» reitinginde «Halyqaralyq saýda» indeksi boiynsha jaýapty bolyp tabylady.
Dúniejúzilik banktiń «Doing Business» reitinginde «Halyqaralyq saýda» indikatory boiynsha Qazaqstan ótken jylmen salystyrǵanda 123 orynnan 21 pozitsiiaǵa kóterile otyryp, 102 orynda tur.
Pozitsiiany jaqsartýǵa elektrondyq kedendik deklaratsiialaýdy engizý, kedendik resimdeý úshin alym mólsherlemesin tómendetý jáne kedendik baqylaýdy resimdeý kezeńinen kedennen keiingi baqylaýǵa kóshirý sharalary áser etti.
Sonymen qatar, kórsetkishterdiń odan ári jaqsarýyna qabyldanǵan birqatar sharalar áser etýi múmkin, biraq olar áli eskerilmegen:
-
Deklaratsiia úshin kedendik alymdar mólsherlemelerin (deklaratsiianyń negizgi paraǵy úshin 19 000 teńgeden jáne qosymsha paraq úshin 7 000 teńgeden 20 000 teńgege deiin) tómendetý (2018 jylǵy qarasha).
-
Elektrondyq úkimettiń tólem shliýzi arqyly kedendik tólemder men salyqtardy tóleý múmkindigin engizý (ýaqyty 1-3 jumys kúninen 5-7 minýtqa deiin qysqardy).
-
Eksporttyq-importtyq operatsiialar boiynsha biryńǵai terezeni (2019 jylǵy 27 naýryz) iske qosý. Jumysty 2019 jyldyń sońyna deiin aiaqtaý josparlanýda. Búginde «Biryńǵai tereze» komponentterin testileý júrgizilýde.
Vitse-ministrdiń aitýynsha, biznes ortany jaqsartý boiynsha zańnamalyq túzetýlerdiń segizinshi paketin qalyptastyrý sheńberinde derekterdi qorǵaý, memlekettik mekemeler arasynda derekter almasýǵa jáne jetkizýge ókilettikter, sáikestendirý, aýtentifikatsiia jáne avtorizatsiialaý, derekter sapasy máseleleri, elektrondyq qujattar, elektrondyq muraǵattaý, ziiatkerlik menshik quqyǵy jáne derekter bazasyna menshik quqyǵy jáne basqalar boiynsha usynystar engizildi. Olardy sheshý úshin 10-nan astam zańdardy ózgertý qajet.
Qazan aiynda ótkizilgen reformalardy talqylaý jáne olardy iske asyrylǵan sharalarǵa esepke alý úshin Vashington qalasyndaǵy Dúniejúzilik Banktiń sarapshylarymen kezdesý ótkizý josparlanǵan.
Dúniejúzilik banktiń «Saýda jáne kólik infraqurylymynyń damýy» reitinginde Qazaqstan 71-orynda tur.
Qazaqstan Respýblikasynyń atalǵan reitingtegi ustanymyn jaqsartý sheńberinde Saýda jáne integratsiia ministrligi Indýstriia jáne infraqurylymdyq damý ministrligimen birlesip, el ishinde saýdany damytýdy jáne syrtqy naryqtarǵa shyǵý múmkindigin qamtamasyz etýge baǵyttalǵan kóp formatty saýda-bólý infraqurylymyn qurý boiynsha aýqymdy jumys júrgizýde.
El ishinde júie órkenietti saýda úshin jaǵdai jasaýǵa, halyqtyń jetkilikti saýda infraqurylymymen jáne taýarlardyń úlken assortimentimen qamtamasyz etilýin arttyrýǵa, halyq tutynatyn taýarlarǵa baǵany tómendetý úshin naryqta básekelestikti kúsheitýge múmkindik beredi.
Eksportty damytý sheńberinde júie taýarlardy ózara jetkizýdi, olardyń Qazaqstan arqyly tranzitin qamtamasyz etedi, sondai-aq basqa elderge eksporttaý úshin bizdiń kórshilerimizben birlesip óndirýshilerdiń biryńǵai pýlyn qurý úshin negiz bolady.
Búgingi kúni saýda-taratý júiesin qurý úshin 2019 jyly aiaqtaý merzimimen Qaraǵandy, Pavlodar, Soltústik Qazaqstan, Jambyl, Batys Qazaqstan oblystarynda 5 kóterme-taratý ortalyǵyn salý júzege asyrylýda. 2020 jyly 3 óńirde – Almaty, Aqtóbe jáne Semei qalalarynda jalpy kólemi 96 myń sharshy metr quraityn taratý ortalyqtaryn salý josparlanýda.
2018 jyldyń qorytyndysy boiynsha elimizde 26 kólik-logistikalyq ortalyqtary qoldanysta, 2022 jylǵa deiin qosymsha jalpy alańy 1 067 065 sharshy metr quraityn 14 kólik-logistikalyq ortalyq salý josparlanýda.
«Bizdiń Ministrliktiń negizgi mindetteriniń biri - kóliktik-logistikalyq jáne saýda infraqurylymdaryn biriktirý. Osyndai infraqurylymdyq obektileriniń sany jáne sapasy ulǵaiýyna qarai saýda shyǵyndaryn qysqartý áseri kúsheitiletin bolady. Baǵalardyń tómendeýi tutynýshy úshin tikelei áser etedi», — dedi A. Askaruly.
Sonymen qatar vitse-ministr LPI reitinginiń fokýsy únemi ózgerip otyratynyn atap ótti. 2007 jyly reiting tek jariialanǵan kezde, ol, birinshi kezekte, saýdany ońailatýǵa jáne shekaradaǵy kedergilerdi joiýǵa baǵyttalǵan. Búginde reiting ishki logistika faktorlarymen: jetkizý tizbeginiń áleýmettik-ekonomikalyq turaqtylyǵy, daǵdylar men oqytý, qorshaǵan ortaǵa áseri ózara bailanysty.
LPI reitingisinde eldiń ustanymyn jaqsartý maqsatynda memlekettik-jekeshelik áriptestik jobasy sheńberinde QR Saýda jáne integratsiia ministrligi júkterdi qadaǵalaý múmkindiginiń kórsetkishi boiynsha Astana-1 aqparattyq júiesinde importtyq-eksporttyq operatsiialar júiesin eldiń kólik-logistikalyq júiesimen yqpaldastyrýǵa múmkindik beretin elektrondyq júieni engizý máselelerin pysyqtaýda.
«Biz reitingtegi pozitsiialardyń jaqsarýyn tek sheteldik investorlardy tartý úshin ǵana qadaǵalamaimyz. Bizdiń negizgi mindetimiz – joldardy jaqsartý, taýarlardy saqtaýdyń jańǵyrtylǵan infraqurylymyn qurý, halyq pen kásipkerlik sýbektileriniń shekaradan tez jáne yńǵaily ótýi arqyly halyqtyń ómir súrý sapasyn arttyrý», — dep túiindedi saýda jáne integratsiia vitse-ministri A. Asqaruly.
