Halyqaralyq paralimpiada komitetiniń (HPK) prezidenti Endriý Parsons koronavirýsqa bailanysty Beijińdegi qysqy Olimpiada oiyndaryna barmaidy. Bul týraly ol óziniń Twitter paraqshasynda jazdy, dep habarlaidy QazAqparat.
«Koronavirýstyq synaǵym oń nátije bergendikten Olimpiadaǵa qatysa almaitynyma qatty ókinemin. Ázirshe oqshaýlanǵan kezimde Paralimpiada oiyndaryna daiyndyqqa kóńil bólemin jáne Olimpiadany teledidardan qadaǵalaityn bolamyn. Barlyq Olimpiadaǵa qatysýshy sportshylar men Halyqaralyq Olimpiada komitetine sáttilik tileimin», - dep atap ótken Parsons óz jazbasynda.
Parsons 2017 jyly IPC prezidenti boldy jáne 2021 jyly bul laýazymǵa qaita sailandy. Ol 44 jasta, 2005-2009 jyldary Amerika Paralimpiada komitetin basqardy, 2009-2017 jyldary Braziliia Paralimpiada komitetiniń prezidenti boldy.
Qysqy Olimpiada oiyndary Beijińde 4-20 aqpan aralyǵynda, al Paralimpiada oiyndary 4-13 naýryz aralyǵynda ótedi.
