Halyqaralyq olimpiada júldegerleri UBT tapsyrmai joǵary oqý oryndaryna grantqa túse alady. Bul týraly Bilim jáne ǵylym ministri Ashat Aimaǵambetov málimdedi, - dep habarlaidy "Ult aqparat".
"Halyqaralyq olimpiadalardyń, sporttyq jáne shyǵarmashylyq baiqaýlardyń tizbesin bekitý týraly buiryqqa qol qoidym. Bul qujat jeńimpazdar men júldegerlerge otandyq JOO-da beiindi baǵytta bilim alý úshin granttar bólýge múmkindik beredi.
Osyǵan deiin Prezident Qasym-Jomart Kemeluly Toqaevtyń Qazaqstan halqyna Joldaýynda bergen tapsyrmasy aiasynda zańnamaǵa ózgerister engizilgen bolatyn.
Endi bedeldi halyqaralyq pándik olimpiadalardyń, sporttyq jarystardyń jáne álemdik deńgeidegi shyǵarmashylyq baiqaýlardyń jeńimpazdary men júldegerleri UBT tapsyrmai-aq JOO-ǵa beiindi baǵyttar boiynsha grantqa túsýge múmkindik aldy.
Búgin Bilim jáne ǵylym ministrligi Dúniejúzilik gimnaziada – 2022-niń jeńimpazdary men júldegerlerin marapattaý rásimin ótkizedi. Oqýshylarymyz álemniń 70-ten astam elinen kelgen jasóspirimderdi basyp ozyp, 86 medal jeńip alǵanyn esterińizge sala keteiin. Osylaisha ulttyq quramamyz III oryndy ielengen bolatyn.
Endi olar birinshi bolyp JOO-da oqý úshin granttar alady. Jas daryndar Memleket basshysynyń sheshimi arqasynda osyndai qoldaýǵa ie bolyp otyr", - dep jazdy ministr Facebook-te.
